Skip to main content

AG-p nalunaarusiaq akerleriissutaasoq saqqummersileraa

Sermitsiaq AG –lu aalajangerput Minik Rosingip nalunaarusiaa 'Kalaallit Nunaannut iluaqutissaaqqullugu' aviisinut ilanngullugu naqitertinniarlugu siammarterlugulu

Tusagassiivik Sermitsiaq.AG aalajangerpoq Københavns Universitet suleqatigalugu nalunaarusiaq 'Kalaallit Nunaannut iluaqutissaaqqullugu' aviisini Sermitsiami aamma AG-mi nalunaarusiaq nunatsinni siaruarterneqassasoq. Sapaatip akunnera 19-mi tamanna pissaaq.

- Nalunaarusiaq pingaarutilerujussuuvoq taamaammat sapinngisaq tamaat amerlasuungortinneqarnissaa kissaatigaara. Kalaallit Nunaat aningaasaqarnikkut annertoorujussuarnik unammilligassaqalerpoq aatsaallu taama annertutigisunik ajornartorsiuteqalerluni, nalunaarusiarlu siunissami periarfissanik pisinnaasutullu takorluukkanik innersuussuteqarpoq. Isumaqarpunga innuttaasut namminneq atuartariaqaraat, tusagassiortut oqallissaarisullu kisiisa imaqarniliaannik pinnatik, AG-mi pisortaq Christian Schultz-Lorentzen, AG-mi saqqummersumi oqarpoq.

Nalunaarusiap saqqummiunneqarnerani nalunaarusiaq pillugu AG-mi allaaserineqarsimasut ilanngunneqassapput, kalaallisut qallunaatullu atuarneqarsinnaassallutik. AG-mi maajip arfineq aappaanni saqqummissaaq, Sermitsiamilu maajip qulingiluaanni saqqummissalluni. 

Aatsitassarsiornissat isumalluutigineqarpallaassanngitsut
Kalaallit Nunaanni Sulisitsisut Kattuffianni siulittaasoq Brian Buus Pedersen nalunaarusiaq saqqummiunneqarmat ilaatigut ima oqaaseqarfigaa:

- Kalaallit Nunaata unammilligassat annertoqisut ornitai isigalugit ukiuni kingullerni nalunaarusiat pingaaruteqartut saqqummiunneqartarput, tamatumani inuiaqatigiit aningaasaqarnikkut imminut napatikkiartornerulernissaani inerisarneqarnissaanilu politikkikkut qanoq pingaarnersiuisoqartariaqarnersoq saqqummiunneqartarluni. Aatsaalli piffissaq taama eqqorluartigalugu saqqummersitsisoqarpoq nalunaarusiaq 'Kalaallit Nunaanut iluaqutissaaqqullugu' tamanut saqqummiunneqaqqammersoq. Nunagisap aningaasaqarneranut aatsitassanik ingerlatsilernissap ingasattajaarussamik naliliisoqarnissaa ilaatigut mianersoqqussutigineqarpoq.

Nalunaarusiaq januaarimi saqqummiunneqarpoq. Nunatsinni Danmarkimilu tusagassiorfinnit sammineqangaatsiarluni. Ilisimatusarfik Københavns Universitetilu suleqatigiinneratigut aningaasarsiornermut ilisimatuut, inatsisilerinermut pilersaarusiornermullu ilisimatuut nalunaarusiamik suliaqarput. Nalunaarusiornermi Minik Rosing siulittaasuuvoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER