AEX Goldimi atermik ukkatarisanillu allannguineq

Aatsitassarsiortitseqatigiiffiup AEX Goldip taaguutini Amaroq Mineralsimut allanngortippaa. Atermik allannguineq kuultisiornerinnaanngitsumik saffiugassanik pingaaruteqartunik suliaqalernermut nalunaarutaavoq.

AEX Gold, maanna Amaroq Mineralsimik taaguuteqalertoq, Kujataani akuersissutaateqartunianginersaavoq, Kalaallit Nunaallu tamakkerlugu anginerit pingajoraat.

Aatsitassarsiortitseqatigiiffiup AEX Goldip sisamanngornermi 16. juni ataatsimeersuarnermini taaguutini Amaroq Mineralsimut allanngortippaa.

Ingerlatseqatigiiffik Amerikamiut ingerlatseqatigiiffiannit ACAM LP-mit, S&F Investment Advisors Limitedimit aamma Moore Strategic Venturesimit pilersinneqartumit 158 millionit koruuninik aningaasaliiffigineqarniarneranik, pappialanik nalilinnik niuffaffimmut nalunaaruteqarneranut atatillugu taaguummik allannguisoqarpoq, aviisi Sermitsiaq allappoq.

Aningaasaliissutit aatsitassanut pisariaqartinneqartunut soorlu kanngussammik, zinkimik, nikkelimik aamma aatsitassanik qaqutigoortunik misissuinissanut ineriartortitsinernullu
atorneqassapput, taamaalillunilu kuultisiornermut atorneqassanatik.

Nukissiornermik allannguineq

Aatsitassat pingaarutilinnut atatillugu aningaasaliinissamut pilersaarutaareersumik ACAM LP-mik suleqateqalerneq tulluusimaarutigalugu, AEX Goldimi pisortaaneq, Eldur Olafsson, pappialanik nalilinnik niuffaffimmut nalunaarummi oqarpoq.

– Tunisassiulernissamut aamma nuna anginerusoq misissuiffiginissaanut periarfissaalersinnissaanut, misissuiffigisatsinnilu aatsitassat allat pingaarutillit nalunaarsornissaannut suleqatigiilernerup kingunerai.

- Kujataani aatsitassanik pingaarutilinnik pitsaalluinnartunik ineriartortitsinissamut ilippanartoqartoq misissuinitta
takutippaa.

Isumaqatigiissutilli inaarutaasumik akuerineqarnissaanut akuersissutit tunniunneqarnissaannut piumasaqaatinik arlalinnik kiisalu oqartussanit attuumassuteqartunit akuerineqarnissaannik piumasaqaatitaqarpoq.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Powered by Labrador CMS