Abelsen: Utoqqalinersiat Kalaallit Nunaanni pitsaanerupput
Kalaallit Nunaanni utoqqalinersiat, Danmarkimi utoqqalinersianut sanilliullutik, nunami maani isertitat agguaqatigiissinneqarneranni naleqarnerupput.
Danmarkimi utoqqalinersiutit nunami maani utoqqalinersiutinit annertunerungaluartut, isertitat agguaqatigiissinneqarneranni nunami maani naleqarnerupput.
Isumaginninnermut Naalakkersuisoq Martha Abelsen Inatsisartuni ilaasortamut Aqqaluaq B. Egedemut (IA) allakkatigut akissuteqarluni allappoq.
Kalaallit Nunaanni utoqqalinersiat tamakkiisut kisermaanut aningaasarsiat agguaqatigiissillugit 55 %-erivaat, 2018-imi 256.00 koruuniusimallutik.
Aapparinnut utoqqalinersiat matussusiisinnaanerusut
Danmarkimi utoqqalinersianut sanillersuukkaanni matussusiisinnaanerupput. Danmarkimimi aningaasarsiat agguaqatigiissillugit 327.000 koruunit 50 procentii utoqqalinersiutigineqartarput.
Naalakkersuisoq naapertorlugu aappariinnut tamanna aamma atuuppoq:
- Aappariinnut marlunnik agguaqatigiissillugu aningaasarsialinnut utoqqalinersiat tamakkiisut 41 %-iupput. Danmarkimi pisuni assingusuni matussusiineq 37 %- iinnaasarpoq.
- Taamaalilluni, pigissaarnermut naleqqiullugu, Kalaallit Nunaanni kisermaanut aappariinnullu pensionisiaqartitsineq Danmarkimut naleqqiullugu qaffasinneruvoq, Martha Abelsenip akissutaani allassimavoq.
