Skip to main content

Aavariaq ullut arlaqartut periarfeerunneqareerluni ajunngitsoq nassaarineqartoq

Piniariap tuttut marluk 40 kilometerit nammassimavai - taannalu politiinit nassaarineqarpoq

Aavariaq ataasinngornerup ingerlanerani periarfeeruppoq, taannalu aavariaqataasa politiinut tammaallugu nalunaarutigaat.

Pingasunngormat qujanartumik ajunngitsoq nassaarineqarpoq, taassuma tuttut marluk 40 kilometerit sinerissap tungaanut nammassimavai.

Atuaruk: Kiinamiumik pisuttuartumik ujaasineq taamaatikkaat

Pingasunngornermi nalunaarutigineqartoq
Qeqqani Politiit Sisimiuni pingaarnertut politeeqarfia, pingasunngornermi ullaap tungaa nalunaarfigineqarpoq, Itillip kangerluani aavariaq periarfeerussimasoq.

Angut ujaarineqartoq aavariaqatinilu marluk ataasinngornermi aggustip aallaqqaataani Qooruarsuaq Killermut niuneqarsimapput. Pilersaarutillu malillugit aqaguani Umiartortarfinnguamut aaneqartussaasimapput.

Takussaanngitsoq
Qooqqup iluani 20-25 kilometerinik ilorpasitsigisumi angutip periarfeerunneqartup tuttumik pisaqarnermi kingorna ilani qimappai. Malissallugillu oqarfigisimavai.

Aavaqataasa ingerlangaatsiareerlutik tusaavaat angut marloriarluni igittoq, taamaammallu tuttunniaqqittoq ilimagisimavaat.

Atuaruk: Politiit ujaasineq taamaatippaat: Angut toqungasoq nassaarineqarpoq

Ataasinngornermi unnuap qeqqata missaani aavaqatai marluk Umiartortarfinnguamut apuupput, ataatsip ilartik ujariartoraluaramiuk nassaarisimanngilaa.

Ajunngitsoq
Taamaammat Itillimut pingasunngornermi utersimapput ilamillu periarfeerussimanera politiinut nalunaarutigalugu.

Sumiiffimmi pisortaq Johan Davidsen oqaluttuarpoq, Qeqqani politiit pingasunngornermi sumiifimmi nalunaaqutaq 13.30 missaani quliguulimmik ujaarlersimasut, pingasup missaanilu maqaasineqartoq Umiartortarfinnguami nassaarineqarpoq.

Pisani 40 kilometerit ingerlakkai
Ajorani sinerissamut apuussimavoq, sivisuumillu nerisimannginnami nererusussimaqaaq.

Sunaaffa maqaasineqartoq tuttunik marloraarsimasoq, taakkulu kisimiilluni sinerissamukaassimavai. Ingerlavia kilometerinik 40-t missaannik isorartutigivoq, aavariarlu sinerissamut apuutinnginnermini qasungaarami silaannarmi arlaleriarluni sinittariaqartarsimavoq, Johan Davidsen tusagassiuutinut nalunaarummi oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER