Skip to main content

Aavarfinngungajalerpoq: Pisaqarluarisi

Aavariarnissaq qanittuararsuuvoq. Ullut arlaqanngitsut qaangiuppata ukioq manna tuttunniarneq umimmanniarnerlu aallartissapput

Angallatit umiatsiaaqqat tulattarfianni piareersimapput piginnittorpassuisalu ilaat sapaatip akunnerata naaneranik sivitsuisimassagunarlutik. 

Pisarnertut tuttunniarneq aggustip aallaqaataani aallartissaaq, tassalu ataasinngorpat. Aamma umimmanniarneq aallartissaaq, Nuummiorpassuillu uumasorsuarnik kusanartunik piniariarniarlutik Kangerlussuup tungaanut ingerlaassapput. 

Atuaruk: Sunngiffimmi piniareernermi pisanik nalunaartut amerlanngitsut

Pinngortitarsuaq alianaattoq
Aavariarpassuit ilaasa siunertarisaasa ilagisarpaat kilometererpassuarni pisunnissaq, pinngortitami aliannaarsaarlutik, angalaqatinik nuannisaqateqarluni ulluinnarnilu pissutsit qimalaarlugit. 

Amerlanertigullu qerititsiviup neqimik immernissaa aamma ajoriinnagassaanngilaq. 

Atuaruk: Tuttunniartarnermut malittarisassat nutaat najukkami politikerit isornartorsiorpaat

Naak inuit ilarpassuit piniarfiup aallartinnerani aavariartaraluartut ulluunerani sivisuumik qaamasarluni uumasut nassaariuminarnerusarput piniarfiusoq ingerlangaatsiareeraangat uumasut qatsissumiit appartileraangata sineriak qanillisarlugu. 

Piniarnerup annertusinissaa innersuussutigaat
Pinngortitaleriffiup piniartut ataavartumik attaveqarfigisarpai, juunimilu oqariartuutigaa piniarnerup annertusinissaa innersuussutigalugu. Pinngortitaleriffup uumasut amerlassusaat neriffissaannut uumasut inuuniutissaannut naleqqersuuttarpai nalilerneqarporlu uumasut suli amerlavallaartut. 

Taamaakkaluartoq Aalisarnermut, piniarnermut nunalerinermullu Naalakkersuisoqar up Pinngortitaleriffiup innersuussutaa tusaanianngilaa sunngiffimminnilu piniariartartunut tuttutassat ikisimallugit. 

Siullermik siunertaagaluarpoq sunngiffimminni pinialuttartut sumiiffik uumasumik pisaqarfissartik toqqassagaat. Maannakkulli Nuup eqqaani sumiiffinni marlunni uumasut pisaassat pisarineqarsinnaalerput. 

Piniarnermut allagartaq piniarnermullu nalunaarusiornissaq eqqaamallugu
Maannangaaq tuttunik umimmannillu pisaqarnissamut akuersissutit kommunip allaffiani Borgerservicemi aaneqarsinnaapput. 

Eqqaamaneqaannassaaq piniarnermut allagartap atuuttuunissaa. Allagartamik pissarsinissamut piumasaqaatit ukioq manna sukaterneqarsimapput, piumasaqaataalluni sivikinnerpaamik ukiuni marlunni Kalaallit Nunaanni najugaqavissimanissaq, siusinnerusukkut tamanna qaammatit arfi niliullutik. 

Atuaruk: Sunngiffimmi piniartartunut tuttuttassaat ikinnerutut

Piniariaruit piumasaqaataavoq piniarnermut akuersissut allagartarlu nassarneqassasut. Eqqaamalluguttaaq kingorna pisatit nalunaarsussagakkit. Tamanna ajornaatsumik Sullissivik.gl-imi ingerlanneqarsinnaavoq. 

Ivittuut eqqaani umimmaat
Aamma Ivittuut eqqaani umimmanniarnissamut akuersissummik qinnuteqartoqarsinnaavoq, tassanimi amerlasuunik umimmaqarpoq. 

Sunngiffimmi piniarneq aggustip aallaqaataaniit septembarip 15-anut ingerlavoq. 

Umimmanniarusukkaanni tamanna kingusinnerpaamik juulip 28-ani nal. 12.00 tikitsinnagu Borgerservicemut qinnutigineqassaaq. Qinnuteqartut akuersissutaasussanit amerlaneruppata qinnuteqartut akornanni makitsisoqassaaq. 

Makitsineq taanna pissaaq juulip 29-ani nal. 11:00 Nuummi kommunip allaffiani Borgerservicemi. 

Allaaserisat pitsaasut allat Nuuk Ugeavisimi saqqummertumi nutaami atuakkit, taanna saqqummereerpoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER