Skip to main content

Aatsitassat: Naalakkersuisut USA-mut uku suleqatigiissutiginiarpaat

Amerikamiut aallartitaasa qaffasissumik atorfillit aamma aatsitasanut naalakkersuisup akornanni ataatsimiinnermi qulequttat sisamat oqaluuserineqarput

Sapaatip-akunnerata siuliani amerikamiut aallartitaat qaffasissumik atorfillit illersornissamut ministereqarfimmi immikkut siunnersorti, T. Ulrich Brechbühl, aamma ambassadøri Carla Sands siuttoralugit naalakkersuisut ataatsimeeqatigaat.

Amerikamiut aallartitaasa ataatsimut suliniutaasinnaasunik nassaarniarnissaq siunertaraat, USA-p maanna Kalaallit Nunaannut iluareqqusaarneranut nukittorsaataasinnaasunik.

Suliassaqarfiit suleqatigiissutaasinnaasut ilimanartut ilagaat, aatsitassarsiornerup ineriartortinneqarnissaa, taamaattumillu aatsitassaqarnermut naalakkersuisoq, Erik Jensen (S) ataatsimeeqatigineqarpoq. Tamatuma kingorna Erik Jensen tusagassiuutinut nalunaarummi nalunaaruteqarpoq, amerikamiunut kissaatit arlallit saqqummiunneqarsimasut, taakkulu ‘Kalaallit Nunaannut innuttaasuinulllu iluaqutaassasut’.

USA suliniutinik suleqatigiissutissanik ujartuivoq

Taakku kissaatit maanna sunnerinik Múte Bourup Egedep (IA) §37 naapertorlugu apeqqutaanut akissuteqarnermini ilaanik saqqummiussivoq.

Immikkoortullu sisamat oqaluuserineqarsimasut, akissummi atuarneqarsinnaavoq:

- Kalaallit Nunaanni aatsitassarsiornermi periarfissaqarfiusunik

ilisimasaqamerup pitsaanerulersinnissaa, aatsitassarsiorluni misissuinermut

aningaasaliiumalersitsinissaq aammalu Kalaallit Nunaanni siunissami

aatsitassarsiorfeqalernissamik periarfissaqarfiusup

annertusitilluinnarnissaat siunertaralugit, ujarassiornermi ilisimatusarluni

misissuinerit.

- Aatsitassanut paasissutissat suliarineqartarneri saqqummiunneqartarnerilu

pillugit misilittakkanik paarlaasseqatigiinneq.

- Kalaallit Nunaanni aatsitassarsiornissamut periarfissaqarfiusup

ingerlatseqatigiiffinnut toqqartukkanut aammalu USA-mi aatsitassanik

nuisitsivinni tamatigoortumik nittarsaassineq.

- Ilaatigut USA-mi ph.d.-nngorniarnermut aningaasaliinerit aqqutigalugit

aatsitassanut suliassaqarfimmi sulianut pikkorissuseqarnerulersitsinissaq.

Tamatumali saniatigut suli isumaqatigiissusiortoqarsimanngitsoq, Erik Jensenip oqaatigaa. USA-p aamma Kalaallit Nunaata qaninnerulernissaannut, piffimmi suliniutinut periarfissanik ujartuisoqarneranik amerikamiut tungaannit oqariartuuteqartoqarneranut tamanna naleqquppoq.

Aatsitassarsiorluni misissuinernut tunngatillugu, suliniut siulleq aallartisarneqareerpoq. Tassani USA silaannakkut Kujataani aatsitassaqassutsimik misissuinermik aallartitsinikuuvoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER