Skip to main content

Aatsitassat qaqutigoortut: Kinap Kalaallillu Nunaata suliaat oqallisigineqassasut

Kujataani aatsitassarsiorfissat marluk nunanit tamalaanit eqqumaffigineqariartuinnarput, aatsitassammi qaqutigoortut nunarsuarmi silap allanngoriartornerani pisariaqartilluinnarneqartumik pilersuinermi pingaarnersat ilagilluinnalersinnaavaat.

Kujataani aatsitassarsiornissamik suliniuteqarneq Kalaallit Nunaanniinnaanngitsoq oqallisigineqarpoq, qalluinermi saniatigooralugu uranimik piiaanissaq avissaartuutsitsillunilu ernumatitsilluni. Taamaattoq - uranitaqarpat uranitaqanngippalluunniit - aatsitassat qaqutigoortut aatsitassarsiorniat piiarusutaat immikkut soqutigineqarluarput.

Dansk Institut for Internationale Studier (DIIS) soqutiginnittunik tamanik internetsikkut ataatsimiisitsinissamut qaaqqusivoq, ataatsimiinnermi Kalaallit Nunaanni aatsitassat qaqutigoortut – aatsitassat Kinap ullumikkut kisermaassiffigisai - qitiutillugit sammineqassapputr.

Aamma Kalaallit Nunaanni aatsitassanut qaqutigoortunut atatillugit Kinap qanoq pingaaruteqartiginera internetsikkut ataatsimiinnermi oqaluuserineqassaaq,  Og hvilken betydning Kina spiller i samspillet med de grønlandske forekomster vil være et emne på webinaret, DIIS-ip oqaluuserisassanngortitsinermini innersuussutigai Kinamut attaveqartarneq Kinallu aatsitassanut qaqutigoortunut kisermaassisuunera aamma Kalaallit Nunaata tassunga atatillugu qanoq iliuuseqarsinnaanera qulaajaaffiginiarlugit kingullertigut politikkerinut ilisimatitsissuteqarsimanertik.

Kina Kalaallillu Nunaat

Internetsikkut ataatsimiinnermi, akeqanngitsumik kikkut tamarmik peqataaffigisinnaasaanni oqaluuserineqassaaq, Kinamut, Europami Amerikamilu suliffissuarnut aamma Issittumi politikkikkut tamatuma oqimaaqatigissinneqarnissaata pingaaruteqassusianut atatillugit Kalaallit Nunaata qanoq iliuuseqarsinnaanera.

Internetsikkut ataatsimiinnermut peqataassapput GEUSi-mi siunnersortaaneq aamma pisortaaneq Mads Qvist Frederiksen, Arctic Economic Council, Aalborg Universitetimi lektori Jesper Zeuthen DIIS-imilu ilisimatuut marluk Ulrik Pram Gad aanna Hans Lucht. Siullertut taaneqartut sisamat assigiinngitsunik tunngaveqarlutik tamarmik immikkut saqqummiussissapput, internetsikkullu ataatsimiinneq naggaserlugu oqallittoqassalluni.

Maanna sammineqarluartup internetsikkut ataatsimiissutigineqarnera apriilip 13-iani ingerlanneqassaaq, peqataaniaraannilu siusinaarluni DIIS-imut nalunaaruteqartoqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER