Skip to main content

Aatsitassarsiorneq: Tanbreez akuerineqarpoq, taamaattorli...

Tanbreezip piiaanissamut qinnuteqaataa ullumi akuersissutigineqarpoq. Akuersissut siunissamut allannguisinnaavoq

Aatsitassarsioqatigiiffiup Tanbreezip Kujataani Killavaat Alannguanni piiaanissamut qinnuteqaataa Naalakkersuisut akuersissutigaat, sumiiffik akuersissuteqarfiusoq 18 kvadratmeterinik annertussuseqarpoq.

- Tanbreez-i piiaanissamut akuersissummik ukiuni 30-ini atuuttumik nalunaarfigineqassaaq. Piiaanissamut akuersissutip, Tanbreez-i aatsitassami eudialyt-imiittumi pinngoqqaatinik, piiaanissamik pisinnaatitsissuteqalersissavaa, Naalakkersuisut tusagassiutinut nalunaarmmi allapput.

Inuussutissarsiornermut Aatsitassanullu Naalakkersuisoq Jens-Frederik Nielsen ima oqarpoq:

- Nuannaarutaaqisumik Tanbreez piiaanissamut akuersissummik pissarsivoq, annertuumik, ajunngitsumik pingaarutilimmillu, Kommune Kujallermut Kalaallit Nunaatalu sinneranut, ineriartuutaasinnaasumik.

Tanbreez-ip, Kommune Kujalliup, Namminersorlutillu Oqartussat akornanni suleqatigiinnissamut isumaqatigiissut, Impact Benefit Agreement (IBA) Naalakkersuisut akuersissutigaattaaq.

Piumasaqaatit atuutsinneqartussat

Piiaanissamut akuersissut suleqatigiinnissamullu isumaqatigiissut, taakku atsiorneqassapput atuutsinneqalinnginneranni.

Isumaqatigiissutit taamaasilluni tamarmik suli atsiorneqarsimanngitsut erserpoq.

- Piiaanissamut matusinissamullu pilersaarummik kiisalu ingerlatassanut pilersaarutinik suliaqarnissaq tullinnguuppoq. Pilersaarutit taakkua suliarineqarnerat, ingerlatseqatigiiffiup aamma Naalakkersuisut akornanni qanimut suleqatigiinnikkut ingerlanneqassaaq. Piaanissamut matusinissamullu pilersaarummik Naalakkersuisunit akuersissummik pissarsinissaminut ingerlatseqatigiiffik periarfissinneqarpoq 31. december 2022-ip tunniussinissaminut, taannalu ilaatigut isumannaallisaanermut avatangiisinullu apeqqutinik piumasaqaatinik sukumiinerusumik imaqassaaq, Naalakkersuisut allapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER