Aatsitassarsiorneq pillugu immikkut allaaserisani nersornaatisissutigigaa
Ayoe Kristianseni 2022-mi immikkut ittumik unamisitsisoqarmat aatsitassarsiorneq pillugu immikkut ittumik allaaserisani ajugaassutigaa: The Stakeholder Management Theory Meets SLO.
Ayoe Kristiansen Ilisimatusarfimmeersoq internetsikkut nersornaasiinermi 40.000 koruunik aningaasartalimmik nersornaaserneqarpoq.
Tamanna pivoq, pingasunngornermi - allat marluk Danmarkimeersoq Savalimmiuneersorlu peqatigalugit - Uddannelses- og Forskningsministeriaqarfiup immikkut ittumik unamisitsinerani, naalagaaffeqatigiinni ilisarisimaqatigiinnerulersitsinissamik - pingaartumik inuusuttut akornanni - siunertaqartumi ajugaammata nersornaasiisoqarmat.
Ayoe Kristiansenip immikkut allaaserisani una ajugaassutigaa: The Stakeholder Management Theory Meets SLO.
Naliliisut Ayoe Kristiansenip Kalaallit Nunaani aatsitassarsiortoqarnerani ajornartorsiutaasunik erseqqissaassuteqarnera, nassuiaassuteqarnera naliliineralu pillugit nersornaaserpaat.
- Kandidati (Ayoe Kristiansen) paasissutissanik suliaqarsimavoq misissuinerminilu arlalinnik pitsaasunillu misilittagaqalerlunilu paasissutissanik katersisimavoq. Teori atorlugu assigiinngitsunik paasisaqarsimavoq, paasisaalu tamarmik Kalaallit Nunaanni aatsitassarsiortoqarnerata qanoq inneranik erseqqissumik saqqummiunneqarlutik:
- Kalaallit Nunaanni aatsitassanik piiaanissamut periarfissat atuutereersut siunissamilu atuutilerumaartut eqqarsaatigalugit.
Siunissami aningaasatigut iluanaarutaasussat
Atuartartoq pingaartumik najukkami aatsitassarsiorfiusussami innuttaasunut pitsaasumik attaveqartitsiniartarnerup soqutiginnilersittarpaa. Taamatut isumaqarput, naliliisut aatsitassarsiornermi politikkikkut suliarineqartartut assigiinngitsunillu suliaqartartut eqqarsaatigalugit oqaaseqartut.
- Minnerunngitsumik kandidatip siunissami aatsitassarsiornermi aningaasatigut iluanaarutaasinnaasut, namminersulivinnissami aningaasaqarnermut qitiususussat ilagisaat, qanoq periarfissaqarnersoq takutissinnaasimavaa. Immikkut allaaserisaani atuarneqarsinnaavoq, Kalaallit Nunaanni aatsitassarsiornerup naalagaaffeqatigiinnermut qanoq sunniuteqarsinnaanera, ilanngullugu allassimavoq.
Ilisimatusarfimmit Ayoe Kristiansen nersornaatisinerani pilluaqqorujussuarparput.