Skip to main content

Aatsitassarsiorfimmik suliniut aarlerinartorsiorpoq

Politiit Svalbardimit Station Nordimut angalanissamut inerteqquteqarnertik aalajangiusimaannassappassuk tamanna ajornerpaamik kinguneqarpat Ironbarkip aatsitassarsiulernissamik suliniutaata 3,6 milliarder koruuninik naleqartup matuneqarneranik kinguneqarsinnaavoq.

Australiamiut ingerlatseqatigiiffiat Ironbark Citronen Fjordimi zinkimik piiaaffimmik mittarfimmillu 550 millioner dollarsinik imaluunniit 3,6 milliarder koruunit taamaaqatigisaannik akeqartussanik sanaartornissamut aningaasaliisussanik suli pissarsiorpoq, Sermitsiaq allappoq.

Kisianni aningaasaliisussanik pissarsisoqanngippat suliniut kinguaattooratarsinnaavoq imaluunniit ajornerpaamik pisoqarpat matuinnarneqaratarsinnaalluni. 

Tamanna tassaavoq Norgep qeqertaanit Svalbardimit Tunup avannaani Station Nordimut angalanissamut inerteqquteqarnermut politiinit maanna atuutsinneqartumut aaqqiissutissamik nassaartoqanngippat kingunerineqartussaq.

Akilersinnaassanngilaq
Tamanna Ironbarkip Australiami nunap immikkoortuani aatsitassarsiorfeqarfimmi Western Australiami illoqarfimmi pingaarnermi Perthimi angerlarsimaffeqartup aqutsisuisa nassuerutigaat.

Ingerlatseqatigiiffik Station Nordip avannaani Citronen Fjordimi ilaatigut ujarassiooqarnikkut misissuinernut kiisalu aatsitassarsiorfiliornissamut aatsitassarsiorfimmillu ammaanissamut Namminersorlutik Oqartussanit akuersissutinut pisariaqartunut Australiamiut dollariinik 50 millionit angullugit amerlassusilinnik imaluunniit 230 millioner koruunit missaannik atuereerluni aatsaat taama tatisimaneqartigilerpoq. 

- Politiinit nalunaarfigineqarsimavugut Svalbardip mittarfianit timmisartuussisarnerit unitseqqullugit, inatsisinik unioqqutitsinerummata. Station Nordimut angalanissamut inerteqquteqarneq attatiinnarneqarpat tamanna ajornerpaamik pisoqarpat aatsitassarsiorfimmik aallartitsiniarnerup akilersinnaajunnaarneranik isumaqarsinnaavoq, Ironbarkip assartuinermut tunngasuni pisortaa qallunaaq, Henrik Laursen, oqarpoq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER