Skip to main content

Aatsitassarsiorfik nutaaq aallartittoq: Aatsitassarsiorfiit ingerlatsiviusut marlunngorput

Siullermik rubinisiorfik upernaaq ammarpoq, ullut marluk matuma siorna anorthositinit saffiugassaq siulleq Kangerlussuup eqqaani qaartinneqarpoq. - Killiffik pingaarutilik, Aatsitassanut Naalakkersuisoq Erik Jensen naqissusiivoq.

Hudson Greenland A/S-ip, Kangerlussuup eqqaani anorthositinik aatsitassarsiorfimmik ingerlatsisup anorthositit saffiugassat siulliit qaarteqqammerpai, taakku aatsitassarsiorfimmit suliareqqiisarfimmukaanneqarput.

 Anorthosit tunisassiaavoq ilaatigut fiberglasinik aamma plastinik tunisassiornermi atorneqarsinnaasoq.

Maannakkorpiaq atortut tamarmik misilerarneqarput, suliarinnittarfik naggataatigut tunisassiulernissamut naleqqussarneqarluni.

Killiffik pingaarutilik

- Kalaallit Nunaata maannakkut marlunnik tunisassiorfiusunik aatsitassarsiorfeqarluni nunatut aatsitassarsiorfiulernera pingaaruteqartorujussuuvoq. Qeqertarsuatsiaat eqqaanni rubinisiorfik, maannakkullu tassa aamma Kangerlussuup eqqaani anorthositinik aatsitassarsiorfik. Kalaallit Nunaanni aatsitassarsiorfiit ingerlatsiviusut marloriaatinngornerat siunissami suliffissat amerlanerulernerannik aammalu nunap karsianut aatsitassarsiornermit isertitat amerlanerulernerannik, kinguneqassaaq. Taamaattumik Kangerlussuarmi tunisassiornerup aallartinneqarnera killiffittut pingaarutilittut isigineqassaaq, Aatsitassanut Suliffeqarnermullu Naalakkersuisoq, Erik Jensen oqarpoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER