Aatsitassarsiorfik Inngili Qernertoq misissuinissamut qinnuteqaatinut ammarpoq

Piiaanissamut akuersissutaasimasoq 2008-29, siusinnerusukkut Black Angel Mining A/S-imit pigineqartoq, aatsitassarsiorluni misissuinissamut qinnuteqaatinut taamaallaat ammatinneqarpoq. Sumiiffik siumoortumik annertussusiligaavoq, annikillisinneqarnissaa imaluunniit annertusitinneqarnissaa periarfissaqarani.

- Qinnuteqaatit piffissami 15. august – 15. november 2019 tiguneqartut, piffissami qinnuteqarfiusumi ataatsimoortumi ilaatinneqassapput. Aatsitassanut Aqutsisoqarfiup qinnuteqaatit atugassarititaasunut nalinginnaasunut aamma suleriaatsinut atuuttunut naapertuuttumik suliarineqassapput. Namminersorlutik Oqartussat tusagassiuutinut nalunaarummi taama ilisimatitsipput, Namminersorlutik Oqartussat allapput.

Aatsitassanut Aqutsisoqarfiup sumiiffik akuersissuteqarfiusoq atugassarititaasut immikkut ittut tunngavigalugit ammarpaa. Atugassarititaasut immikkut ittut taakkua Aatsitassanut Aqutsisoqarfiup pisortatigoortumik tikilluaqqussutitut allagaanni erseqqinnerusumik nassuiarneqarput. Qinnuteqarnissamut soqutiginnittut Aatsitassanut Aqutsisoqarfiup pisortatigoortumik tikilluaqqussutitut allagai, nunap assingani naleqqat ataatsimoortut, qinnuteqaatinut suleriaatsit allallu paasissutissat attuumassuteqartut Aatsitassanut Aqutsisoqarfiup nittartagaani nassaarisinnaavaat uani.

Black Angelip aatsitassarsiorfia piffissami 1973-90-imi tunisassiorfigineqarpoq, aammalu saffiugassaq 11.2 tons, zinkimik 12.4 procentimik aamma aqerlumik 4.2 procentimik akoqartoq, tunisassiarineqarluni. Saffiugassaq 2.4 millioner tons missaannik annertussuseqartoq aatsitassarsiorfitoqqami napasunik sukaniiginnarpoq. Tunisassiornerup unitsinneqareernerata kingorna ingerlatseqatigiiffiit assigiinngitsut sumiiffimmi aatsitassarsiorlutik ingerlataqarput. Black Angel Mining A/S piffissami 2008-2019-imi piiaanissamut akuersissummut pisinnaatitsissummik pigisaqartuuvoq.