Skip to main content

Aatsitassarsioqatigiiffik Namminersorlutik Oqartussanut millioninik akiligassaqarpoq

Aatsitassarsioqatigiiffik Greenland Minerals Namminersorlutik Oqartussanut annertuumik akiligassaqalermat, ingerlatseqatigiiffik ulluni 14-inik akiliinissamut killiliiffigineqassasoq, Naalakkersuisut aggustip 29-anni aalajangerput. Taamaanngippat ingerlatseqatigiiffik Akileraartarnermut Aqutsisoqarfimmut akiliisitsiniartussanut ingerlateqqinneqassalluni.

Aatsitassarsioqatigiiffik assortuussutaasoq Greenland Minerals, Naalakkersuisunut maalaaruteqarnermik suliaimik ilalerneqarani aalajangiiffigineqaqqammersoq, pisortanut akiligassaminik akiliisarsimanngilaq.

Piffissami kingullermi Kuannersuarni aatsitassarsiorfimmik ingerlatsinissamut qinnuteqaammut atatillugu oqartussanit suliaqarnermut akiliummut akiligassat 1,4 millionit koruuninngorput.

Tamatumunnga atatillugu GML-ip qinnuteqaataanut sullissinerup ingerlateqqinneqarnissaa taamaatinneqassanersoq Naalakkersuisut  aalajangertussaapput. Sulinerup unitsinneqarnissaanut tunngavissaqartoqanngitsoq Namminersorlutik Oqartussat paasivaat.

Akiliisitsiniarnissamik sioorasaarut

Taamaattumik akiligassat akilernissaannut ingerlatseqatigiiffik ulluni 14-ini periarfissinneqarnissaa aalajangerneqarpoq, taamaanngippat suliaq Akileraartarnermut Aqutsisoqarfimmi akiliisitsiniartartunut ingerlateqqinneqassaaq, aningaasallu tassuuna pissarsiarineqanngippata, ingerlatseqatigiiffik akiliisinnaajunnaartutut nalunaarutigineqaratarsinnaavoq.

Namminersorlutik Oqartussat aggustip 29-aniilli 400.00 koruuninik akiliuteqarfigineqarpoq, kisianni ingerlatseqatigiiffiup akiligassat sinneruttut millionit koruunit ilumuussusaannik apeqqusiivoq.

- Akiliisitsiniartartunut nalunaarutigineqassanngikkunik akiligassat sinneruttut millionit koruunit akilerneqartariaqartut ingerlatseqatigiiffik nalunaarfigineqarnikuuvoq. Tamatuma kingorna maalaaruteqarsinnaapput ilalerneqarsinnaallutillu aamma aningaasat utertinneqarsinnaallutik. Suliaq taama ingerlariaaseqarpoq, naalakkersuisoqarfimmi pisortaq, Jørgen T. Hammeken-Holm, aatsitassanut naalakkersuisoqarfik, Sermitsiaq.AG-mut taama oqarpoq.

Aningaasarpassuit

Ingerlatseqatigiiffik akileerusussuseqarluni takutitsimmat, naalakkersuisoqarfimmi pisortaq naammagisimaarinninnerarpoq, kisianni Namminersorlutik Oqartussat aatsitassarsiorfimmit akiligassamik aatsaat taama annertutigisumik naammattuugaqarput.

LÆS OGSÅ: Aatsitassarsioqatigiiffik naammagittaalliuutimini ajorsartoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER