Aatsitassaq suna siunissami pingaarnerpaassava?: Kalaallit Nunaata pilersaarutaasa nutaaq?
Puilasuliaq imaarukkaanga qanoq naleqartiginera aatsaat paasilersaripput oqartoqartarpoq. Kalaallit Nunaannili puilasuliaq imaarneq ajorpoq, annertussusaatalu aningaasaqarneq qulakkeersinnaavaa nunarsuarmullu sunniuteqarluarsinnaalluni.
Periarfissat kisissaanngillat.
Naalakkersuisoqarfimmi pisortaasimasoq Bo Lidefaard Ilimmarfimmi saqqummiinermini taama oqarpoq.
Aviisi AG taama allappoq.
- Nukissiuutit ataavartut piumaneqartorujussuanngussapput. Nunarsuarmi atorfissaqartinneqartorujussuuvoq – maannalu tamanna pivoq, Bo Lidegaard oqarpoq. Maanna nunani tamalaani siunnersuisarfimmi Kayami piginneqataasoq, Mira Kleistip aamma suleqataaffigisaani.
Professori Minik Rosing aaqqissuussamut nittartakkatigut aamma peqataavoq taakkulu marluullutik aatsitassaqarnerup tungaatigut nunarsuaq tamakkerlugu unammillerfiusoq, ingammik aatsitassanik piumaneqarluartunik pissarsiarineqaannaanngitsullu, pillugu eqqartuipput.
Kalaallit Nunaata aatsitassaataasa immikkuullarissuunnginneri unammilligassaavoq. Aamma aatsitassat qaqutigoortut. Inuit ilaasa isumaattut aamma taama qaqutigoortiginngillat. Sverige aatsitassarsiornermi suliniutinik angisuunik suliaqarumasunut ilannguteqqammerpoq.
- Kalaallit Nunaanni maanna aatsitassarsiornikkut suliniutinik annertuunik soqanngilaq, aningaasartaqanngimmat, Bo Lidegaard eqikkaavoq – taanna Nuummi inunngorpoq.
Illuatungaanilli allamik isumalluuteqarpoq, nunarsuarmi pinngortitamik ajunaarnersuaqarnissamut annaassisinnaanermik iluaqutaasinnaasumik: Silarluk, kiassuaq, qarsutsineq, panernersuaq nataqqornarujussuillu. Taannalu isumalluut nassaareriaannaavoq: Imeq!
Aviisimi AG-mi atuarnerusinnaavutit. Aviisi uani pissarsiariuk:
