Skip to main content

Aatsitassanut qaqutigoortunut Danmark sunniuteqarusuppoq

Kalaallit Nunaat uranimik piiaassappat tamanna Danmarkip susassaqarfigaa, ministeriuneq Helle Thorning-Schmidt allappoq. Aatsitassat qaqutigoortut pillugit taassuma nalunaarusiaa maajip 6-anni taasissutigineqassaaq

Aatsitassanik qaqutigoortunik pisuussutit pingaarutiliupput qallunaat akuleruffigisariaqaraat, marlunngorpat Naalagaaffeqatigiinneq pillugu Folketingimi apeqqarissaarluni oqallinnissaq sioqqullugu ministeriuneq Helle Thorning-Schmidt oqarpoq.
Nalunaarusiamini, marlunngorpat taasissutigineqartussami ministeriuneq allappoq:
´Naalakkersuisut isumaqarput uranip saniatigut aatsitassat allat ikittuinnaat nunanut allanut, illersornissamut isumannaatsuunermullu politikkimut attuumassuteqartut - apeqqutaalluni aatsitassanut/aatsitassanut suliniutinut ataasiakkaanut pissutsit qanoq ittuunersut. Assersuutigalugu aatsitassanut qaqutigoortunut. Tamatumanissaaq qallunaat kalaallillu oqartussaasuisa akornanni suleqatigiinneq paasissutissanillu taarseeqatigiittarnissaq qallunaat naalakkersuisuisa pingaartippaat, ilaatigut Kunngeqarfimmi nunanut allanut, illersornissamut, isumannaatsuunissamullu poltiikkimi soqutigisat isumagisinnaajumallugit´.
DTaamatut allappoq atuagassiaq Ingeniøren, ing.dk.
Naalakkersuisut siulittaasuata Aleqa Hammondip aatsitassanullu Naalakkersuisup Jens-Erik Kirkegaardip ministeriuneq isumaa isunaqatiginngilaat. Taakkua Helle Thorning-Schmidtimut akissumminni marluullutik oqarput isumaqarlutik aatsitassat qaqutigoortut isumannaatsuunermut politikkimut attuumassuteqanngitsut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER