Aatsitassanut inatsit nutaaq pakatsissutigigaat

Inatsisip kingunerisaanik Hudson Resourcesip Nukittuumi niobiumimut suliniutini matuaa.

Hudson Resources Sarfartumi ujaasinissamut marlunnik akuersissuteqarpoq. Suliniutip aappaaNukittuumi niobiumik ujaasinerusoq 100 ppm sinnerlugu uranitaqarpoq, taamaattumillu inatsisipnutaap kingunerisaanik unitsinneqartariaqarluni.

Uranitalinnik misissueqqaarnissamut, ujaasinissamut piiaanissamullu inerteqquteqalernissamik Naalakkersuisut inatsisissatut siunnersuutaat Inatsisartuni akuersissutigineqarpoq aqqaneq marluk akuersillutik qulingiluallu akerliullutik.

Aviisi Sermitsiaq taama allappoq.

Taamaalilluni Kalaallit Nunaanni aatsitassanut suliniutini annerpaamik 100 ppm (saffiugassami 1 tonsimi 100 gramimik uranitaqarnissaq) killigitinneqalerpoq. Tamatuma saniatigut aamma thorium allallu ulorianartunik qinngorneqartut Inatsisartut avaqqullugit Naalakkersuisunit inerteqqutigineqarsinnaalernissaa inatsisitigut tunngavissaqalerpoq.

Amerlasuunik seqqornertut ittoq

Inatsisissami nutaami ilaatigut Kuannersuarni Greenland Mineralsip suliniutaata unitsinnissaa anguniarneqarpoq, suliniutilli allat aamma eqqugaapput.

– Inatsit pakatsissutigeqaarput. Misigisimavugut naalakkersuinikkut amerlasuunik seqqortoqartoq suliniummik ataasiinnarmik ajornartorsiut aaqqinniarlugu. Inatsimmik nutaamik eqqussinani akuersissutit pioreersut soorlu VVM, VSB aamma SIA atorneqarsimasinnaagaluarput, Hudson Resourcesimi pisortaq Jim Cambon aviisimut Sermitsiamut oqarpoq.

Aviisimi Sermitsiami atuarnerusinnaavutit. Aviisi uani pissarsiarisinnaavat:

Powered by Labrador CMS