aatsitassat
Aatsitassanit isertitat nungulussinnarneqassanngillat
Aatsitassanit isertitat kinguaariinnut tulliuttunut qulakkeerneqarnerunissaannik kinguneqartumik, Inatsisartut inatsimmik allannguinermik akuersissuteqarput.
Aatsitassat ataasiaannarlutik nunamit qallorneqarsinnaapput. Kinguaassattalu aatsitassat ukiuni aggersuni iluaqutigisinnaannginnerinik tamanna isumaqarpoq.
Iluaqutiginiassammatigit aatsitassanut aningaasaateqarfimmik aaqqiisoqarpoq, isertitallu tassunga nuunneqartassapput. Aningaasat sumut atorneqarsinnaanerat erseqqissumik allanneqarsimanngillat. Taamaalillutik aningaasaateqarfik imaarunneqarnissaanut ernumanartoqarsinnaalluni.
Tamanna maanna allannguiffigineqarpoq. Inatsisartummi tamarmiusut aalajangiuppaat, aningaasaateqarfimmit erniat kisimik atorneqarsinnaassasut. Aningaasaatit ulluinnarni ingerlatsinermut atorneqarsinnaanatik.
Kisianni Danmarkimit tapiissutit ikilineqarneranit pinngortunut aningaasaatit annaasanut nalimmassaanernut atorneqarsinnaassapput.
Aamma atuaruk: Aatsitassanit iluanaarutit meeqqanut ernuttanullu qulakkeerneqassapput