aatsitassat
Aatsitassanik ujaasineq ingerlalluanngilaq
Danmarkimi aningaasaateqarfiit soraarnerussutisianillu katersiviit aatsitassanik ujaasinermut tapersersuinissartik tunuarsimaarfigaat
Danmarkimi suliffeqarfik misissueqqissaarnermik ingerlataqartoq 21st North folketingimut saaffiginnissuteqarpoq, taakkumi isumaqaramik Danmarkimi aningaasaliisarfiit aningaasaateqarfiillu suliniutinut aningaasaliisartut, aatsitassarsiornernut nutaanut aningaasaliinissaminnut tunuarsimaarpallaartut.
– Tamatumunnga tunngatillugu isumaqarpugut Kalaallit Nunaata nunap aatsitassarsiornikkut periarfissai pissarsiffigissappagit taava nunap immikkoortui ilisimaneqanngitsut ujaasiffigineqartariaqarput, piiarneqarsinnaasut suussusersillugit suliniutinillu nutaanik ineriartortitsilluni. Saffiugassanik aatsitassarsiornermillu ingerlatsiniartut politikikkut eqqumaffigineqarnerusariaqarput suliniuteqarfigineqarlutillu, 21st Northimi piginneqataasoq ujarassiooq Anders Lie oqarpoq. Taanna isumaqarpoq qangaaniilli nassaarineqareersut, ingerlatseqatigiiffinnit pisortanit tapersersorneqartunit soorlu Kryolitselskabet Øresundimit aamma Nordisk Mine selskabimit nassaarineqarsimasut, nunani allamiut ingerlatseqatigiiffiinit nikerartunit isumagineqalersartut.
– Taamaalilluta suliniutinut ataasiakkaanut ilisimaneqareersunut ineriartortitsissaagut, aatsitassarsiortitsinerli tamaat isigalugu imminut napatissinnaasumik ineriartortitsinata, Anders Lie oqarpoq, taassuma nunap ilai Tunumiittut, kuulteqarfinnik, sølveqarfinnik saffiugassaqarfinnillu nutaanik nassaarfiusinnaasutut naatsorsuutigineqartut tikkuarpai.
Aallaaserisaq Sermitsiaq aviisimi tamakkerlugu atuaruk: