Aatsitassalerinermik Ilinniarfik allagartartaartitsisoq
Ilinniarsimasutut allagartartaarsimasut sanaartornermi maskiinanik angisuunik isumaginnissinnaasut Kalaallit Nunaanni piumaneqarluarput. Taamaattumik arlalinnut allagartartaartitsisoqarnera Aatsitassalerinermik Ilinniarfimmit nuannaarutigineqarpoq
Aatsitassalerinermik Ilinniarfiup ilinniartut tulliuttuni taaneqartut allagartartaarneranni pilluaqqorusuppai:
Kuluk Dalager, Sisimiut, Qaarusummi sulisutut ilinniarsimasutut allagartartaartoq. Kuluk Nuummi Larsen & Co. ApS-imi ilinniartuusimavoq. Sulinniummut aqutsisoq Martin Haahr pisortarlu Mogens Øgaard Larsen qutsavigerujussuarpavut.
Thomas Hosiassen, Narsaq, Sanaartornermi maskiinanik ingerlatitsisutut ilinniarsimasutut allagartartaartoq. Thomas Pituffimmi Vectrus Services A/S-imi ilinniartuusimavoq. Qutsavigerujussuarpavut Casper Boller Jensen, Supervisor Pavements & Grounds aamma Margrethe Poulsen, ilinniartunut siunnersorti.
Alfred Mølgaard, Qeqertarsuaq, Qaarusummi sulisutut ilinniarsimasutut allagartartaartoq. Alfred Aappaluttumi Rubinisiorfimmi LNS Greenland A/S (LNSG) aamma Nuummi GNC ApS-imi ilinniartuusimavoq. Qutsavigerujussuarpavut Peter Madsen, pisortaaneq, LNSG, aamma Niels Meinel, pisortaq kiisalu Torkil Bislev, suliniutinut pisortaq/pisortaq, GNC ApS.
Jan Olsen, Nanortalik, Sanaartornermi maskiinanik ingerlatitsisutut ilinniarsimasutut allagartartaartoq. Jan Pituffimmi Vectrus Services A/S-imi ilinniartuusimavoq. Qutsavigerujussuarpavut Casper Boller Jensen, Supervisor Pavements & Grounds aamma Margrethe Poulsen, ilinniartunut siunnersorti.
KTI Aatsitassalerinermik Ilinniarfik 2019-imi ilinniartunik sisamassaa najukkami nunarsuarmilu sulinissamut ilinniagaqartitsivoq. Sanaartornermi maskiinanik ingerlatitsisutut qaarusummiluunniit sulisutut ilinniarsimasutut allagartartaarsimasut sanaartornermi maskiinanik assigiinngitsunik ingerlatitsisinnaapput kiisalu maskiinanik aserfallatsaaliinernik oqinnerusunik isumaginnissinnaallutik.
Ilinniartut ilinniarfii suliffeqarfiit ilinniartunut maskiinanik assigiinngitsunik suliniutinillu sanaartornerup aatsitassarsiornerullu iluanniittunik suliaqarnermik pitsaasumik misilittagaqartitsisimapput.