Aatsaat taama isertitaqartigisut: Kalaallit Islandimiullu ingerlatseqatigiiffiat ammassannit isertitaqarluartoq
Umiarsuaatileqatigiiffik Polar Pelagic A/S 2021-mi ukiuni tallimani aningaasatigut aatsaat taama sinneqartooruteqartigaluni angusaqarpoq.
2021-p affaani kingullermi nunat tamalaat imartaanni ammassappassuarnik aalisarluartoqarpoq, tamannalu nunani avannarlerni ammassanniartut aningaasaateqarfiinut isaatitsiffiulluarpoq.
Aviisi Sermitsiaq taama allappoq.
Qujanartumik ilaatigut ammassaat amerlanerusut pisarineqarneranni Polar Pelagic A/S-imi aningaasaqarnikkut angusat, ukiup aallartinnerani naatsorsuutinit pitsaanerusumik angusaqarfiuvoq.
Ingerlatseqatigiiffimmi immaqa ikinnerit ilisimasaannit imaluunniit tusarsimasaanni isertitat 2021-imi aatsaat taama amerlatigipput, kisianni taakku ukiuni makkunani isertitaqarluarsimapput. Umiarsuaatileqatigiiffik Kommuneqarfik Sermersuumeersoq, Polar Seafood Greenlandimit aamma Islandimiunit Sildarvinnslanimit pigineqartoq, ukiuni tallimani siorna aatsaat taama aningaasaqarnikkut angusarissaartigaaq.
Kalaallit Nunaanni aalisarnikkut suliffeqarfissuit namminersortut annersaat, Polar Seafood, ingerlatseqatigiiffimmi ingerlatsisuuvoq.
Polar Pelagic 2021-mi ingerlatsinermi 26,4 millionit koruuninik sinneqartooruteqarpoq, ukiup siuliani 13,5 millionit koruuninik. Akileraareernermi siorna 19,4 millionit koruuninik sinneqartooruteqartoqarpoq, ukiup siulianilu 9,8 millionit koruuninik.
Ingerlatseqatigiiffik kilisaammik Polar Amaroq-mik aalisartarpoq, ukioq naangajallugu aalisartarluni.
Avaleraasartuut, ammassaat aamma ammassassuit aalisarnitsinni pingaaruteqartuupput, Polar Amarormi naalagaq Islandimiu Geir Zoëga, taama oqarpoq.
Aviisimi Sermitsiami atuarnerusinnaavutit. Aviisi uani pissarsiariuk: