Aasianni toqusimasumik nassaartoqarsimanera misissorneqarpoq
Aasianni ukiukitsumik toqusoqarsimanera paasiniaaffigineqarpoq. Kalaallit Nunaata Politiivisa Aasianni toqusoqarsimatillugu paasiniaasoqartoq uppernarsarpaat.
Annonce
Inuk 18-it ataallugit ukiulik toqusimasoq Aasianni politiinit paasiniaaffigineqarpoq.
Pigaartut pisortaat Brian Thomsen Sermitsiaq.AG-mut taama uppernarsaavoq.
- Uppernarsarsinnaavara ukiukitsumik toqusoqarsimatillugu maanna paasiniaasoqarmat, Brian Thomsen oqarpoq.
Sermitsiaq.AG-p paasisai naapertorlugit toqungasoq tallimanngornermi ullaakkut siumorneqarpoq, tamannali politiinit itigartinneqaranilu uppernarsarneqanngilaq.
Kalaallit Nunaata Politiivi suna toqqutigineqarsimanersoq maannakkut oqaatigisinnaanngilaa.