Skip to main content

Aasianni studentinngortut 100-ngajaat

Rektor Jens Gundtofte-pp sisamanngormat studentinngortut unammilligassanut nutaanut aallartippai

Seqinnarissuuvoq Aasianni Avgannaata Ilinniarnertuunngorniarfiani sisamanngormat studentit 96-it allagartartaartinneqarmata. Rektorip oqalugiarnerata, nersornaatinik tunisinerit studentinngortullu oqalugiarnerisa kingorna studentinngortut illoqarfimmi angalaarput tasiorlutik qitiitigalutik. Assit takuinnakkit.
Nersornaasiinermi Nunafondenimit Aviaq Reimer, Aasiaat, 10.000 koruuninik tunineqarpoq agguaqatigiissillugu 10,3-mik angusarissaarnerpaagami. Taanna aamma studentinngortut sinnerlugit oqalugiarpoq.
Oqalugiartup aapparaa Qasiaq Lange, Aasiaat, taannalu aamma kammalaatitsialattut kajumissaaserneqarpoq.
Ilinniartut qallunaatut kalaallisullu oqalugiarnerminni ukiuni pingasuni misigisatik oqaluttuaraat.
Jakoh Olsen, Ilulissat, 5.000 koruuninik tunineqarpoq agguaqatigiissillugu angusarissaarnerpaap tulliatut 8,7 angugamigit, Aviaq Sangreenilu, Qasigiannguaneersoq, Nunafonden-imit 3.000 koruuninik tunineqarpoq angusarissaarnerpaat pingajuattut.
Emil Olsvig, Upernavik, ukiuni pingasuni atuariartortarnerpaatut 10.000 koruuninnappoq, Knud Thorleifsenilu atuariartortarnerpaap tulliatut Nunafonden-imit 5.000 koruuninik tunineqarluni. Aningaasat tunniunneqarput Kristian Jeremiassenimit.
Lærerrådip nersornaasiussaa Kristian Jørgensenimut, Ilulissat, tunniunneqarpoq soraarummeertunit tamanit angusarissaarnerpaatut. Ukiumi qiimanerpaatut toqqarneqarpoq Hans Peter Bernhardtsen, Uummannaq, ukiumilu fight-eritut toqqarneqarluni Augustine Therkelsen, Uummannaq.
Soraarummeersitsineq naggaserneqarpoq unnukkut timersortarfimmi qittannermik Asuki nipilersortoralugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER