Aasianni Sømandshjemmi sulisunik soraarsitsisoq
Akunnittarfik Sømandshjemi Aasianniittoq coronap ajornartorsiortitsineranit eqqugaavoq, tamannalu sulisunik soraarsitsisariaqarnermik kinguneqarpoq.
Naak Nuup avataani coronavirusimik tunillatsissimasunik nalunaarsugaqanngikkaluartoq Aasianni Sømandshjemme coronavirusip kingunerlutsitsineranit eqqugaavoq.
Aviisi Sermitsiaq taama allappoq.
Sømandhjemimi ingerlatsisuusoq Lisbeth Hansen oqaluttuarpoq maannamut unnuinissamut inniminniinerit taamaatiinnarneqartut 1
million koruunit naligigaat.
– Coronavirusip Danmarkimi tuniluutipallannerata, nunatsinni angallannermut aamma sunniisup, kingunerisaanik inniminnikkanik taamaatitsiinnarnerit imaaginnavipput. Tamatuma aamma kingunerisaanik aasamut inniminniisoqanngilaq, Lisbeth oqarpoq.
Sømandshjemi inuit 75-it 100-llu missaanniittut inissaqartinneqarput inini 48-suni, inillu taakku affai marluuttariaapput. Maanna Aasiannut tikittoqarsinnaanngimmat Sømandshjemi inisimasussaqanngilaq.
– Massakkut inuit arfinillit kisiisa inisimasoraagut. Immikkuullarilluinnartumik maanna inissisimavugut, neriuutigaarpullu ilorraap tungaanut saassinnaajumaarluta,
Lisbeth Hansen oqarpoq.
Sømandshjemi nalinginnaasumik inunnik 20-nik sulisoqaraluarpoq, aqutsisuusulli inunnik tallimanik soraarsitsisariaqarsimapput eqqiaanerup, igaffiup saaffiginnittarfiullu ataaniittunik, aammalu atorfinitsitsisarneq unitsinneqartariaqarsimalluni.
Aviisimi Sermitsiami atuarnerusinnaavutit. Aviisi uani pissarsiariuk: