Skip to main content

Aasianni silaannaq minguinnerusoq Mala Høy Kúkop (A) neriuutigaa

Aasianni ikuallaavissamut aningaasanik immikkoortitsisoqarpoq. Illoqarfiup ikuallaavissaa arlaqartut ilagissavaat

Avatangiisinut aamma pinngortitamut naalakkersuisoq, Mala Høy Kukó (A), Aasiaat minguinnerusumik silaannaqalernissaanik neriuuteqarpoq.

Illoqarfik nutaamik aamma pitsaanerusumik ikuallaavittaalermat, taamatut neriuuteqarpoq.

Suliniutit arlallit
Ikuallaavissat pillugit Sermitsiaq.AG siullermik decembarip aappaanni 2015-imi allaaserineqaqqaarpoq, tassani aamma Ilulissani pilersaarut eqqaaneqarpoq.

Atuaruk: Ilulissat Aasiaallu nutaanik ikuallaavittaassapput

Kommunini eqqagassalerinermut aaqqiissutissanut pitsaanerusunut tapiissutitut 11 mio. koruunit tunniunneqarput. Aningaasanit taakkunannga amerlasuut Aasianni ikuallaaviup pitsanngortinneqarnissaanut tutsinneqassapput, taamaalilluni siunissami pujoq pitsaanerusumik salinneqartalissalluni. 

Ikuallaavimmi nutaami aatsitassat oqimaatsut aamma putsumit dioxin peerneqartalernissaat naatsorsuutigineqarpoq.

- Matumani Naalakkersuisut Qaasuitsup Kommunia peqatigalugu pingaarutilimmik alloriarput, Mala Høy Kukó allappoq.

Kommunit aamma akiliissapput
- Aasianni ikuallaavimmi pitsannguinernit misilittakkat kingusinnerusukkut nuna tamakkerlugu iluaqutigineqassapput.

Kommunip tapiissutai 6,7 mio. koruuniusut pitsannguinissanut tamanut matussusiissanngillat.

Qaasuitsup Kommunia nammineerluni ikuallaaviup piorsarneqarnissaanut 2,3 mio. koruunerpianik aningaasaliissaaq.

Atuaruk: Kapisilinni eqqakkat immikkoortiterneqartalissapput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER