Aasianni Nipiaa Rock Festivalernissaq taamaatiinnarneqarpoq

Qeqertarsuup Tunuani nipilersornermik festivalertitsisarnerit annersaata katesuuteqqusinnginneq malillugu ukoq manna Rock Festivalernissaq taamaatiinnarpaa.

Nipiaa Rock festival 2015

Aasianni ukioq mana Nipiaa Rock Festival ingerlanneqassanngilaq.

Inussuit Rock Festivalimik aaqqissuussisut Facebookimikkut ilisimatitsipput.

Illup iluani aaqqissuussanut inuit amerlanerpaamik 100-t peqataasinnaapput, Nipiaa Rock Festivalimullu ukiut tamaasa peqataasartut ikinnerpaamik 200-usarput, taamaammat pisortat peqqussutaat Nipiaa Rock Festivalip naammassisinnaanngilai. Coronavirusip inuiaqatigiinni tuniluutilersinnaanera pinngitsoortinniarlugu, katersuuteqqusinnginneq ukiup naaneranut atuuppoq.

Namminersorlutik Oqartussat katersuuteqqusinnginnermik 2020-mi decemberip 31-ata tungaanut sivitsuisimanerat aaqqissuisut malittariaqarsimavaat rockfestivalernissarlu taamaatiinnarlugu.

Festivali septemberip sisamaani tallimaanilu ingerlanneqartussaagaluarpoq.

Nipilersortartut uku tusarnaartitsisussaagaluarput:

Ole Kristiansen

Enok Poulsen

Sussat

Chilly Friday

Rockstones

Kanji Club

- Katersuuteqqusinnginnerup sivitsorneqarnera ajuusaarnarpoq, uangulli aaliangiussaq tamanna ataqqisariaqarparput. Allatulli aaqqiisoqassappat allaanermik aaqqissuisoqarsinnaavoq. Piffissalli tamanna takutikkumaarpaa, Inussuit Aasianni nipilersornernik allanik aamma aaqqissuisartut oqaatigaat.

Nipiaa Rock Festival 21-ssaanik maannakkut ingerlanneqartussaagaluarpoq.

Ukiormanna Nipiaa Rock Festival 2020 ajoraluartumik pisinnaanngilaq covid 19 peqqutaalluni, ullumi 16. Juli 2020...

Saqqummiussisut: Inussuit, Sisamanngorneq 16. juli 2020

Powered by Labrador CMS