Skip to main content

Aasianni kilisaammi usingiaasoqarnerani ajutoortoqartoq

Ammoniaki kilisaammit seerivoq marlunngormat. Kilisaammi sulisoq Aasiaat napparsimaviliaanneqartariaqarsimavoq

Royal Greenland-ip kilisaataataa, Tuugaalik, avataasiorluni qaleralinniartuullunilu ammassassuarniartuusoq, Aasiaat talittarfiani usigiartilluni maskinrumimigut ammoniakimik aniasuuleraluarpoq.

Ajutoornerup, marlunngornermi ullup qeqqa sioqqullugu pisup, kinguneraa kilisaammi inuttaasup ataatsip amoniak-imik serpalitsinnini pissutingalugu napparsimaviliaattariaqalersimaneranik Aasiannilu talittarfiit marluusut tamarmik, Pilersuisullu pisiniarfissuata talittarfiup eqqaaniittup akunnerni marlungajanni inuerutsikkallartariaqarsimanerinik.

Aasiaat politeeqarfianit suliamik aqutsisuusimasup, Arne Sandgreen Reimer-ip, oqaatingaa ajutoorneq qujanartumik annikittuusimasoq, kilisaammilu inuttaasoq, napparsimaviliaanneqartoq, ulorianartorsiunngittoq.

- Massakkuungallartoq oqaaseqarsinnaanngilanga søfartstyrelse-p kiisalu arbejdstilsyn-ip suliassaq tingusussaammassuk. Arne Sandgreen Reimer oqarpoq.

Ajutoorfiup nalaani avannaq kangisimmik anorlilaarnera pissutingalugu talittafiup aappaa, Royal Arctic Havneservice-p talittarfiata kitaa-tunginnguaniittoq, kutterkaj-imik taaneqartartoq, ilanngullugu inuerutsinneqarpoq. 

Taamaaliortariaqarsimanermut peqqutaavoq amoniak-imik iioraaneq najuussuinerluunniit ulorianartorujussuummat toqussutaasinaallunilu.

- Upalungaarsimaneq eqqarsaatingalugu talittarfeqarfik tamaat, Pilersuisup pisiniarfissua, quersuaq talittarfiullu aappaa ilanngullugit inueruppagut. Arne Sandgreen Reimer oqarpoq.

Ajutoorneq teknikkitigut ajutoorneruvoq. førstemester-ip maskinarummimi qerititsivimmik passussineratigut pisimalluni. 

Talittarfimmi inuerutsitsineq ullup qeqqalivissoq Aasiaani politiit unitsippaat ajutoorneq qatserisartunit kilisaammilu inuttaasunit aaqqinneqarmat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER