Aasianni ikuallattoqarnerani ajunaartoqarnera ajutoorneruvoq

Aasianni sisamanngornerup unnuaani 7. januar 2021-imi ikuallattup arnap utoqqaap ajunaarfigisaata misissorneqarnerata takutippaa, ikuallattoq ajutoornikkut pisimasoq. Ilaqutaasut ilisimatinneqareerput.

Sisamanngornerup unnuaani 7. januar 2021 Aasianni inissiami adressimi Aadarujummi ikuallattoqarnera politiinut nalunaarutigineqarpoq. Piffimmi arnaq toqungasoq politiinit nassaarineqarpoq.

Ikuallattoqalernerani pinerluttoqarsimanngitsoq, misissuinerup takutippaa.

- Ikuallattoq ajutoornikkut pisimasoq, teknikikkut misissuinerit takutippaat. Taanna arnaq inissiami najugaqarsorisarput, uutiterluni ajoqusernerminik toqquteqarpoq, Nunatsinni politiit pigaartuisa pisortaat, Malik Sandgreen, Sermitsiaq.AG-mut taama ilisimatitsivoq.

Teknikikkut misissuinerit inernerat pillugu arnap ilaqutai ilisimatinneqarput.

Toqusunik misissuisartoq aamma pinerluttoqarsimatillugu misissuisartut Danmarkimeersut Nunatsinni politiit suliami ikiorpaat.

DNA-mik misissuineq, arnap kinaassusaanik qulakkeerinnittussaq suli utaqqineqartoq, pigaartut pisortaat ilisimatitsivoq.

Powered by Labrador CMS