Skip to main content

Aasianni aalisarneq sukkasuumik ineriartortoq

Aasiaat eqqaanni qaleraleqarfik aatsaat siullermeertumik aalisarfigineqalersoq umiatsiaraarsortunut ukiorpassuarni aningaasaqarnikkut ilungersunartorsiorsimasunut isumallualersitsivoq

Aasiaani umiatsiaararsortunut aalisarneq sukkasuumik ineriartorpoq.

Tassami Aasianni umiatsiaararsorluni qaleralinniarneq ukioq manna aatsaat taamak annertutigisumik ingerlanneqarpoq,  tamannarpiarlu pissutaalluni aalisarneq sukkasuumik ineriartorpoq. Maniittup avannaani, Aasiaat Kitsissuarsuillu akornanni, aalisarfik qangaaniilli ilisimaneqaraluartoq ukioq manna aatsaat taamak annertutigisumik aalisarfigineqalertoq qaleraleqarluarpoq. Taamaattumillu aalisarfimmi piffissami matumani ulapaartoqartuarpoq.

Periarfissaq nutaaq taanna Aasianni umiatsiaararsortunut ukiut kingulliit ingerlanerini aningaasaqarnikkut ilungersunartorsiornermik nalaataqarsimasunut isumallualersitsivoq. Siusinnerusukkut umiatsiaararsortut kalaalimineerniarfimmi tunisanik puisillu amiinik annerusumik isumalluuteqarsimagaluarput. Aammattaaq Aasiaat eqqaanni siusinnerusukkut annertunerusumik qaleralinniarneq ingerlanneqartarsimanngikkaluarpoq. Kisiannili maannakkut qaleralinniarfigineqartumi upernaap ingerlanerani misiliilluni ningattangarsornikkut paasineqarpoq sumiiffik aalisarfigineqartoq amerlasuunik angisuunillu qaleraleqarluartoq. Taamaattumillu maanna Aasianniit, Kitsissuarsunniit aamma Qeqertarsuarmiit aalisartut aalisarfimmi nutaami pisaqarluartarlutik aalisalersimapput. 

Aasianni umiatsiaararsortut ukioq kingulleq tikillugu Akunnaap eqqaanut aalisariartaraluarput, pisatillu Aasianni aalisakkanut tunitsivimmut Polar Raajanit pigineqartumut assartoqqaarlugit tunisariaqartaraluarpaat.

Atuagassiaq tamaat atuaruk, aamma Qaasuitsup Kommuniani pisut annertuut annikitsullu takukkit. Tamanut Avannaani akeqanngitsumik uani aasinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER