Skip to main content

Aasianneersoq Angula oqimaannerpaamik kivitsisoq

Illoqarfiit assigiinngitsut peqataaffigisaannik nallarluni oqimaalutamik kivitsinermi unammisitsisoqarpoq arfininngormat.

Aasiannit Angula Ottosen 165 kilo kivikkamiuk unammisitsinermi arfininngormat ajugaasuuvoq.

Unammisitsineq Fitnessgl-imi tingerlanneqarpoq, Uummannamit, Aasiannit, Ilulissanit, Nuummit kiisalu Paamiumit peqataasoqarpoq.

- Illoqarfinnit assigiinngitsunit peqataasoqarluarnera nuannerpoq, peqataasullu takutitsilluarput, Fitnessgl-imi piginnittoq Allan Juhl Sermitsiaq.AG-mut oqarpoq.

Ukioqatigiiaat assigiinngitsut pingasunut avinneqarlutik unammisinneqarput, inersimasuni Angula Ottosen ajugaasuuvoq. Inuusuttuaqqani 80 kilo ataallugu oqimaassusilinni Nuummit Inuuteq Geisler 115 kilo kivimmagu ajugaasuuvoq.

Kuno Fencker 152,5 kilo kivereerlugu utoqqasaani ajugaasuuvoq.

- Unammeriaatsini allani unammisitsisarnissatsinnut qilanaarpugut, peqataasartummi nalunngilarput unammisaqattaarnissaminnut qilanaartut, Allan Juhl oqarpoq.

Angusat
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER