Skip to main content

Aasiaat: Angut toqutsisimasutut pasineqarluni tigummigallangassanngortinneqarpoq

Angut 27-nik ukiulik tigummigallarneqartussanngorpoq. Angut niviarsiaqqamik aqqanilinnik ukiulimmik toqutsisimasutut pasineqarpoq. Niviarsiaraq toqungasoq Aasianni sisamanngornerup tallimanngornerullu akornani unnuakkut nassaarineqarpoq.

Niviarsiaqqap aqqanilinnik ukiullip Aasianni KJ Greenlandip Wille Brandtsvejillu eqqaatungaanni tummerarsuit nalaanni toqungasup nassaarineqarneranut atatillugu, Kalaallit Nunaata Politiivi toqutsisimasutut pasisaqarput.

Kalaallit Nunaata Politiivi tusagassiorfinnut taama nalunaaruteqarput.

Angut 27-nik ukiulik niviarsiaqqamik aqqanilinnik ukiulimmik toqutsisimasutut pasineqarluni tigummigallangassanngortinneqarpoq.

Niviarsiaraq aqqanilinnik ukiulik, sisamanngornermi unnukkut nalunaaqutaq 20.00 missaani kingullermik takuneqarpoq, angerlarsimaffimminiit anisoq ikinngutiminukarluni.

Toqutsisoqarsimasoqarneranik paasiniaasoqarpoq

- Politiit suliaq toqutsisoqarsimasutut suliatut paasiniaaffigaat. Paasissutissat pineqartut timillu toqungasup misissorneqareernerata kingorna kiisalu politiit suliami paasiniaanerminni atatillugu paasisat naapertorlugit, angut 27-nik ukiulik suliamut tunngatillugu ullaaq manna tingusarineqarpoq unnerluutigineqarlunilu, politiit ilisimatitsipput.

- Qaasuitsup Eqqartuussiviani angut unnuk manna sassartinneqarami, toqutsisimasoqarneranut atatillugu suliami ulluni 27-ni tigummigallangassanngortinneqarpoq.

Eqqartuussivimmut sassartitsinneq matoqqasumik ingerlanneqarpoq, suliamullu tunngatillugu politiit allanik maanna nalunaarutissaqanngikkallarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER