Skip to main content

Aasiaat Tourist Office siullermeerluni pulaarneqarluartoq

Illoqarfinni takornariaqarfiunnginnerpaasartut ilaanni takornarianut allaffik, takornariartaammut ilaasut 350-it Aasianni arfernik aamma illoqarfimmut takornariarnissamut saaffiginnittaarmata ulapiffiuvoq

Tyskit takornariartaassuat 350-nik ilaasoqarluni ataasinngormat unnukkut talittarfianut talimmat Aasiaat Tourist Office, aallartinnerminiit qaammatit marluk  ingerlareertullu, takornariarpassuarnik pulaaqattaarneqarpoq.

- Ulloq ataasseq sioqqullugu umiarsuup naalangaaniit sianerfigineqarpugut ataasinngornermi unnukkut tikkinniarlutinngooq, aqanguani ullaakkut ingerlaqqittussaallutik. Naallu taama sivikitsigisumik piffissalerneqaraluarluta sukkasoorujussuarmik arfernut takuniaasitsisinnaaneq suliaripallapparput, Sørine Petersen, takornarialerinermut tunngasumik serviceøkonomitut ilinniarsimasoq, Aasiaat Tourist Officemillu aallutaqarusuttoq oqaluttuarpoq.

Takornarissat qiimmatsattut
Sørine Petersenip oqaluttuaraa, takornarissat maanna takullugit qujanartut, ingammik suliffeqarfik nutaajummat:

- Arfernik takuniaarusuttut amerlavallaanngikkaluarlutik alutorsangaaramik ilaat aappaangu maannaqqinnissartik aalajangereerlugu persuarsiormata sulipallannerput imminut akilerujussuarpoq. Tassami, illoqarfimmi takornarissanut sullissisartullu suleqatingeeriasaarnissamik pilersaarusiarput ajoquteqanngittoq paasivarput.

Nunatsinni illoqarfiit takornariarfigineqannginnerpaartaasa ilaat
2012-p naalerneratali kingorna takornarissat nunanit allaninngaanneersut takornarissat saaffiginnittarfiannut saafiginnissinnaasarsimanngillat matoqqammat. Maannakkulli takornarissat saaffiginnittarfimmut saaffiginnissinnaanerat piviusunngoqqippoq, inuit arlaqanngittunnguit saaffiginnittarfitoqarisimasaat aallarteqqinniarlugu maajimi aalajangermata.

Takornarissanut saaffiginnittarfiup ingerlatsisuisa taarseraattuusimanerat illoqarfiup takornarissanut ornissallugu pilerinartunngorsaruminaattuaannarsimaneranik aamma peqquteqarpoq. Aasiaat Kalaallit Nunaanni illoqarfinni takornarissanit orningarneqannginnerpaat ilaanniittuarsimavoq, illoqarfiup Ilulissat Qeqertarsuillu takornarissanik ussassaarutaasut peqannginnera pissutingalugu - Iluliarsuit aasakkullu sermersuarmi qimusserneq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER