Skip to main content

Aasiaat imerniartarfiini tunillatsittoqarsimasinnaasoq Namminersorlutik Oqartussanit oqaatigineqarpoq

Aasianni innuttaasut ilaat coronamik tunillatsissimasoq tallimanngornerup arfininngornerullu unnuaani juulip 23-24-ani imerniartarfinniissimavoq.

Aasianni innuttaasut imerniartarfinniissimasut, tassa Nanuaqqamiissimasut, Nanumiissimasut Tulukkamiissimasullu piaarnerpaamik coronamut misissorteqquneqarput, Namminersorlutik Oqartussat tusagassiorfinnut nalunaaruteqarlutik ilisimatitsipput.

Oqartussanit oqaatigineqarpoq, tunillatsissimasinnaasunik ujaasisoqartoq. Tunillatsissimasinnaasuik ujaasinermi paasineqarsimavoq, Aasianni innuttaasut ulaat coronavirusimik tunillatsissimasoq juulip 23-ani 24-anilu imerniartarfinniissimasoq.

- Innuttaasut tamarmik piffissap taaneqartup nalaanni imerniartarfinniissimasut (Nanuaraq, Nanoq aamma Tulugaq) misissortinnissaat piumasarineqarpoq, tassani tunillatsissimarartarsinnaanerat peqqutaalluni, Namminersorlutik Oqartussat allapput.

Sisamanngormat saqqummiunneqarpoq, Aasianni tunillatsissimasunik nutaanik arfineq-marluusunik paasisaqartoqarsimasoq, taakkunannga tallimat inoqutigiinni ataatsiminngaanneersuullutik.

Nunatta Nakorsaaneqarfia naapertorlugu, nunami tamarmik coronavirusimik tunillatsissimasut maannakkorpiaq 40-pput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER