Skip to main content

Aasaanerani Qaanaami aasarsioqatigiinneq

Peqatigiiffik Kalaallit Meerartaat kajumissutsimik suliaqartartut nunani tamalaaneersut suleqatigalugit Qaanaami meeqqat sammisaqartissavaat

Peqatigiiffik Kalaallit Meerartaat ukioq manna aasarsiortitseqqissaaq. Ukioq mannalu tamanna Qaanaami ingerlanneqaqqissalluni.

Taama aasarsioqatigiisitsineq sisamassaanik ingerlanneqalerpoq, aasarsioqatigiinnernilu meeqqat arlalippassauarnik sammisassaqartinneqartarlutik. Ukioq kingulleq aasarsioqatigiinneq Nanortalimmi ingerlanneqarpoq, ukioq mannalu Qaanaami ingerlanneqaqqissaaq.

- 2014-mi Qaanaarmiunit tigulluarneqarsimaqaagut, taakku sammisassarititatsinnut tamaginnut peqataasimapput aammalu nammineq qilaatersorlutik erinarsoqatigiillu peqataallutik, tassa aasarsiorneq pissarsiviulluartoq ingerlanneqarsimalluni, Peqatigiiffik Kalaallit Meerartaani projektlederi, Gunver Justesen oqarpoq.

Kajumissutsimik suliaqartut 17-nit Mexicomit, Korea Kujallermit, Ukrainemit, Serbiamit, Spaniamit, Frankrigimit, Tysklandimit, Finlandimit, Tuluit Nunaannit kiisalu Danmarkimit peqataassapput.

Kajumissutsimik suliaqartut ulluinnarni meeqqat inuussuttulli ataasinngornermiik sammisassaqartissavaat, ataasinngornermiilli tallimanngorneq ilanngullugu nal. 12-18 akornanni sammisassaqartitsisoqartassaaq.

Aasarsioqatigiinneq Unnuk Kulturisiorfimmik aallarnerneqareersimavoq, tassani Qaanaami innuttaasut kajumissutsimik suliaqartut nunaannit nerisassiarineqartartunik kaagiliarineqartartunilli sassaallerfigineqarsimallutik.

Misigisassat arlallit saniatigut meeqqat tuluttoornermik danskisoornermilu oqaatsitik pitsanngorsarluarsinnaavaat.

Aasarsioqatigiinneq aggustip qulingiluaata tungaanut ingerlanneqassaaq.

Tassanngaanniillu blog-iliat Sermitsiaq.AG-p saqqummiuttarumaarpai. Siulleq uani atuarsinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER