ippernat
Aasaanerani ippernaqarluassamaartoq
Aasaanerani ippeqinarniarpasippoq. KNR taama allappoq.
Annonse
Ukiuunerani apingaatsiarsimaneranit aput aalluni nungukkiartulerpoq.
Aputillu ataani ippernat utaqqipput. Aputimmi aannerata iminnguuttup ippernassarpassuit pitsaasumik atugassaqartippai.
Uumassusilerinermut ippernanullu ilisimatooq, Darthmount Universitymeersoq, Lauren Culler qanittumi Kangerlussuarmiissimasoq KNR-imut oqaluttuarpoq.
- Ippernat eqisaavi amerlasuut nassaaraagut.
Qeriunnaartup masarsuata isugutattup ippernat eqisaavi pitsaanerpaamik atugassaqartippai.
- Sapaatit akunneri arlalialunnguit qaangiuppata amerlasoorpassuarnik takusaqarsinnaalereernissarput naatsorsuutigaarput, Culler oqarpoq.
Taamaammat ippernarsaatinik serpalittaatinik pisiortuinnartoqarsinnaavoq, ippernaaqqutillu toqqortat saqqummerlugit.