soraarnerussutisiat

Aarit: Ilaasortat 34.500-t 455 millionit koruuninik aningaasaateqarnerulertut

Soraarnerussutisiaqalernissamut aningaasaateqarfimmi SISA-mi ilaasortat 34.500-t inussat pussunnerinnaanni 455 millionit koruuninik. Tamanna ilaasortap ataatsip sipaakkani 21 procentit sinnerlugit qaffanneranut sanilliunneqarsinnaavoq.

Soraarnerussutisiaqalernissamut aningaasaateqarfiup SISA-p ilaasortani millionilikkaanik iluanaaruteqartippai.

Soraarnerussutisiaqalernissamut aningaasaateqarfiup sismanngornermi Nuummi ataatsimeersuarnerani tamanna nalunaarutigineqarpoq.

Pisuunnguutissamik nassaannginnerartoq
Pigisat ilaanni pisuunnguutissamik nassaartoqannginnera pisortap Søren Schock Petersenip oqaatigaa.

- Nassuiaatissartaa tupaallannartuunngilaq, soraarnerussutisiaqalernissamut aningaasaateqarfiup ernianik pissarsianut tunngavissat allanngortippai, pisortaq Sermitsiaq.AG-mut ilisimatitsivoq.

Ukiuni kingullerni obligationinit pissarsiat appasittorujussuupput, soraarnerussutisiassanut akiliutit erniaqartinnissaat ajornakusoorluni. Taamaariarmat ingerlatseqatigiiffik agguaqatigiisitsilluni ernianit tunngaveqarnermit niuernermi erniat aalajangersakkanut tunngavimmut nuuppoq, tamatumalu aningaasaatit amerlatsippai.

SISA ingerlatseqatigiiffinni ernianut tunngavimmik kisimi allannguisuunngilaq. Soraarnerussutisiaqalernissamut aningaasaateqarfik agguaqatigiisitsilluni erniaqartitsinermini ilaasortat sipaagaat assigiimmik aningaasaliissutigineqartariaqartarput. Illuanik erniat niunermit aalajangersakkat atorlugit aningaasaatinit amerlanerusut, ilaasortanit suli soraarninngorallartussaanngitsuneersut aningaasaliissutigineqarsinnaapput.

Pissarsiat amerlanerusut
- Ataatsimut isigalugu obligationinut pissarsiffiunngitsunut imaluunniit minnerpaamik pissarsiffiusunut aningaasaliivallaannginnissatsinnik tamanna kinguneqarpoq, Søren Schock Petersen oqarpoq.

Piffissap ingerlanerani ilaasortanut pissarsissutaanerusarpoq, taamaalillunilu soraarnerussutisiat qaffasinnerussallutik. Aammattaaq aningaasaatinut sillimatinik aningaasaliissutinit pissarsianut ukiumiit ukiumut assigiissaarisussamik pituttuisoqartassanngilaq, tamanna nassuiaatit ilagaat.

Sipaakkat 3 milliardit anguleraat
Ilaasortat ukiumiit ukiumut amerliartortut aamma soraarnerussutisiassat katillugit 2,7 millliardit koruuniusut, siulersuisuni siulittaasup Jess G. Berthelsenip ilisimatitsissutigaa.

Powered by Labrador CMS