Aarhus: Kulturikkut aaqqissuussiviup atoqqaartinneqarnissaa kinguartinneqartoq
Kunngissaq Frederik Aarhusimi Kalaallit Illuani kulturikkut aaqqissuussivissamik nutaami pingasunngormat ammaasussaagaluarpoq, Danmarkimili Covid-19-imut tunngatillugu killilersuutit nutaat atuutilermata tamanna kinguartinneqarsimavoq.
Annonse
Danmarkimi ministeriunerup Mette Frederiksenip killilersuutit nutaat, Danmarkimi coronavirusip nutaamik siaaruaatilinnginnissaanut iluaqutaasussat tallimanngomat saqqummiuppai.
Nutaamillu killilersuilertoqarneratigut Aarhusimi Kalaallit Illuata kulturikkut aaqqissuussivissamik nutaamik pilersaarutaasutut ammaanissaq kinguartissimavaa.
Kunngissaq Frederik sapaatip akunnerani matumani pingasunngorpat ammaasussaagaluarpoq, Kalaallilli Illuani ilisimatitsissutigineqarpoq, sapaatip akunnerani sisamaagallartuni qanoq pisoqarnissaa naatsorsorneqaqqaarniartoq, tamatumalu kingorna nutaamik nalunaaruteqartoqarumaartoq.