Aarhusimit nassiussat akisunerulissapput
Royal Arctic Line containerinik Aarhusimeersunut angallassinissamut pilersaarummut VSA-mut nikeriarfimmut kingullermut atatillugu akitsuummik atuutilersitsivoq.
Royal Arctic Linep sapaatip-akunnerata siuliani angallassinissamut pilersaarummi VSA-mi nikeriarfik kingulleq saqqummiuppaa, Nuuk sapaatip-akunnikkaartumik imarpikkoortaatinit tikinneqartassalluni.
Aviisi Sermitsiaq taama allappoq.
Angallassinissamut pilersaarut nutaaq umiarsuaatileqatigiiffiup pisisartuinut pingaarnernut 50-inut oktobarip 16-ani nittartakkakkut isumasioqatigiinnermi saqqummiunneqarpoq. Tassanilu ingerlatseqatigiiffiup akissatut aalajangersagaani arlalinni allannguutit RAL-ip saqqummiuppai.
Siunissami Aarhusip umiarsualivianit containerinik nassiussineq Aalborgimut sanilliullugu akisunerulernissaa tupaallaataanerpaagunarpoq. RAL-ip ukiuni kingullerni arlaleriarkuni Aarhusimit tikittartut pingaaruteqarnerat oqaatigisaraluarpaa, Danmarkimi containerinut umiarsualiviit annersarimmassuk. Maannali aamma Aarhusimit Kalaallit Nunaannut containerinik nassiussineq akisunerulissaaq.
Aalborgimi aningaasartuutit matussusissagai
– Aalajangersimasunik arlalinnik aningaasartuuteqarpugut, taakkulu aatsaat 2022-p naanerani Aalborg atorunnaarutsigu akilersorunnaartussaavagut. Tamannalu tikillugu immikkut ittumik Aarhusimi akitsuummik atuutilersitsisariaqarpugut, pisortaq Verner Hammeken nassuiaavoq.
Aviisimi Sermitsiami atuarnerusinnaavutit: