Aarhus: Arnaq kalaaleq tammaaneqartoq
Østjyllandip Politivii Julie Nathanielsen 58-inik ukiulik 2020-mi januaarip arfineq-pingajuannili kingullermik takuneqartoq nassaariniarlugu innuttaasunut ikioqqupput
Julie Nathanielsen Aarhusimi Frydenlundcenterimi ajorpasinngitsoq januaarip arfineq-pingajuanni kingullermik takuneqarpoq.
Julie Nathanielsen imerajuttuunerup nassataanik puigortunngoriartortuuvoq, ilaqutaasalu qularaat imminut isumasiginnaanera. Tammaaneqartoq siusinnerusukkut piffissami sivikitsumi, ilaatigut ullut tallimat tikillugit tammaqqasarsimavoq, maannakkutulli sivisutiginngitsumik. Ujaarineqartoq oqarasuaateqanngilaq kinaassutsiminullu uppernarsaatinik arlaannik tigummiaqarani, Østjyllandip Politiivi innuttaasunut saaffiginninnerminni ilisimatitsipput.
Politiit ilisimatitsipput, Julie Nathanielsen siusinnerusukkut Aarhusimi Klostertorvikartarsimasoq imaluunniit najugaqarfimmi eqqaaniittumut Frydenlundimukartarsimasoq. Aammali Aarhusimiit busserluni allamukartarsimavoq.
Julie Nathanielsen ima nassuiaatigineqarpoq:
58-inik ukiulik
160 cm-it missaannik angissusilik
Kalaaleq
Tuattoq
Takkajaanik qernertunik nujalik
Kingullermik takuneqarami kavaajaq qarliillu qernertut atorpai
Julie Nathanielsenip sumiinneranik paasissutissaatillit takunnissimasulluunniit politiinut oqarasuaat 114 atorlugu saffiginneqquneqarput.