Skip to main content

Aaqqqissuisuuneq innersuussivoq: Kalaallit Nunaanni inissiat affaat nutarterneqarnissaat amigaataavoq

Inissiat Namminersorlutik Oqartussanit pigineqartut nutarteriffiginissaannut Naalakkersuisut 1,5 milliardit koruuninik atorniarnissaminnik aningaasanut inatsimmi akuerineqarpoq. Pisariaqartitsinerli annertunerujussuusoq DTU-mi lektori isumaqarpoq.

Kalaallit Nunaanni init amerlavallaat nutarterneqartariaqalersimapput, aaqqiisoqanngippallu ajornartorsiut alligaluttuinnassaaq.

DTU Byg-imi lektori Tove Lading taama isumaqarpoq. Taassuma issittumi sanaartorneq immikkut ilisimatusarfiginikuuaa.

Nutarterinissamik pisariaqartitsineq ukiuni kingullerni aaqqiiviginiarneqartaraluarpoq, ilaatigut ineqarnermut attaveqaatinullu naalakkersuisoqarfiup nutarsaanissamut allattoqarfiata 2016-imiit 2018-imut inissiat oqummik eqqugaasimasut 151-it iliuuseqarfiginerisigut. Naalakkersuisullu maanna aningaasanut inatsimmi ataasinngormat kingullermi akuersissutigineqartumi 1,5 milliardit koruuninik aningaasanik attartornissamut periarfissaqalerput. Aningaasat Namminersorlutik Oqartussat inissiaataannut nutarterinermut kinguleruttunut atugassat.

Tove Ladingip oqarnera naapertorlugu inissiat amerlanerit nutarterneqartariaqalissapput. Inissiammi immaqa ukiut qulit matuma siorna ajoquteqanngitsut, iluamilli aserfallatsaarliorneqarsimanngitsut, aseroriartulissapput.

Oqartussat inissiaataannik nutarterinissamut aningaasanik nassaartoqartoq ajunngilluinnarpoq. Inissiarpassuilli amerlanerusut nutartigassanngorsimasut Namminersorlutik Oqartussanik pigineqanngitsut kisitisisaatigineqanngillat. Pisariaqartitsineq annertunerujussuuvoq.

Ajornartorsiut annertuisiartuinnassasoq

Namminersorlutik Oqartussat iniuterpassui nutarterluagassanut isaterneqartussatulluunniit nalilerneqarsimapput. Namminersorlutik inissiaataannik nutarterinermut 2025-mi aningaasat tre milliardit koruunit angullugit pisariaqartinneqassasut naatsorsorneqarsimapput. 1,5 milliardit koruunit kinguleruttunut taamaallaat matussusiisinnaapput, iliuuseqarnerulli annerpaartaanut ilaalluni.

Tove Lading 'nutarsaanissaq aserfallatsaaliiginnarnerunissaa' ernummatigaa. Tassalu sanaartoriikkat aaqqissuunneqarnissaannut naak taama sanaartukkat ullutsinni atorsinnaajunnaarsimagaluartut.

inissiani soorlu taamaaliortoqartoq,betonngimik inissiat napassutaat iikkallu igalaalerfiit nutarterneqaannarput, naak ullutsinni taama ittunik sanaartortoqarnavianngikkaluartoq. Botonngimik sanaartortoqarsimanera issimut kiffiaataanngilaq sanaartornerlutaallutillu. Pitsaanerusumik sulisoqarsimasinnaasoq isumaqarpunga. Betonngimik sanaartorfiusimasut atoqqillugit allanik inissialiortoqarsinnaagaluarpoq.

Naak Naalakkersuisut inissianik nutarsaanissaq pingaarnersiugarigaluaraat pisariaqartitsineq tamaat matussuserneqarunnanngitsoq Tove Lading isumaqarpoq. Inissiat nutartigassanngortut takkussuuttuartussaapput, taassumalu inerniliinera naapertorlugu Kalaallit Nunaanni inissiat affaat nutarterneqartariaqalissapput. Namminersorlutik Oqartussat inissiaataat kisimiunngitsoq, init aamma nammineq pigisat. Illoqarfinnit annerniit minnernukaraanni ajornartorsiut annertusiartuinnassalluni.  Aningaasanik amerlanerusunik attartorsinnaanermik periarfissarsiortoqartariaqartoq taanna isumaqarpoq. Akileraarutinit aningaasaliinerinnakkut ajornartorsiut angivallaarmat.

namminersorlutik oqartussanik kommunimiilluunni pigineqartut aningaasanik attartorluni nutarsarneqaannarnissaat naammanngilaq. Piginnittunut sullissisut aamma allanngortinnerisut iliuuseqartoqartariaqarpoq, soorlu Illuummut assigusumik, aammali inissianut pisoqaanerusunut sullissisunik.

Ininut tunngatillugu periarfissat killeqartut

Aappaattut aamma ataatsimoorussamik akisussaaffimmik peqartoqartariaqarpoq.

Realkreditinik taarsigassarsissagaanni isumannaassuseq isiginiarneqartarpoq, taavalu inissiaq tuniniaqqinneqarsinnaanersoq, Tove Lading isumaqarpoq.

Nunaat tamakkerlugu ininik amigaateqartoqarfiunngilaq. Aningaasanik atorniartoqassappat inissiaatileqatigiiffiit aningaasanik atornermut akisussaaffilerneqartariaqarpoq.

Illoqarfiit minnerit nunaqarfiillu ininik namminerisamik pigisaqarfiunissaat periarfissakinneruvoq. Taamaammat nutarterinissamut aningaasanik attartornissaq ajornakusoorneruvoq, aammalu ininut aserfallassimasunut nutarterisussanik piginnaasalinnik amigaateqartoqarluni.

minnerit amerlasuut iluarsartuunneqartariaqalersimapput, naak nammineq illumik piginnittoqaraluartut taakku nammineerlutik aaqqiivigisinnaanngilaat inimut nutarterinissamut aningaasanik attartorsinnaannginnamik. Immaqalu aamma qanoq iliornissartik nalugamikku.

Illoqarfinni minnerni nunaqarfinnilu pisortanut aningaasanik atorniarnikkut nutarterinissamik periarfissaqarpoq, taamaakkaluartorli aningaasanik attartornissamik periarfissaq naammanngitsoq Tove Ladingip erseqqissaatigaa. Aaqqiivigiuminaapput, qeratavoq aningaasalli naammanngissinnaasarlutik. Aningaasatigut ajornartorsiutaavoq ammali inuiaqatigiinnut. Kalaallit Nunaat tamaat isigalugu ajornartorsiuteqartoq lektori isumaqarpoq.

pisariaqartitsineq annertuppat minneruppalluunniit akileraarutitigut aningaasaliineq naammanngilaq, akisuallaarujussuarpormi. Aaqqiissutissamik, iliuusissamillu pilersaarusiortoqanngippat ajornartorsiut annertusigaluttuinnassaaq, Tove Lading oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER