Skip to main content

Aaqqissuussamik ikiaroornartumik tuniniaasutut eqqartuunneqartoq:   Illuinnarsuut orpiusami qitsummut qallorfissiami toqqortarigaa

Politiit Nuummi ikiaroornartumik tuniniaasarfipalaaq siorna misissoqqissaaramikku ikiaroornartut hashi aamma skunk, aningaasat millionit koruunit affaat sinnillit sakkullu arlallit nassaaraat 

Nuummi politiit angut 30-nik ukiulik siorna februaarimi tigusaraat. Politiit tusagassiuutinut nalunaarumminni angut ulorianartutut taavaat, ilisimatitsissutigalugulu annertusisamik aaqqissuussamik iliuuseqarnermikkut tigusarinninneq pisimasoq.   

AG allappoq.

30-nik ukiulik qaammatit pingasut qaangiummata sakkunut inatsimmik aamma ikiaroornartut pillugit inatsimmik unioqqutitsisimasutut unnerluutigineqarpoq. Eqqartuussisoqarfiup Sermersuup angut unnerluutigineqartuni taakkunani pisuutippaa ukiullu pingajuata affaani pineqaatissinneqarsimasunut inissiisarfimmiittussanngorlugu eqqartuullugu.   

5 kiilut missaanni

Politiit iggavimmi sikaaviit marluk aningaasanik toqqorsivigineqarsimasut nassaaraat. ”Aningaasat aningaaserivimmi takuneqartartutut poortorneqarsimapput. 100 koruunit tusindit koruunikkaarlugit iliorarneqarsimapput takuneqarsinnaasutullu aningaasat kisinneqarsimallutik” politeeq nalunaajaasup inissaanit taama nassuiaavoq. Aningaasarpassuit katillutik 701.224,50 koruuniupput taakkulu arsaarinnissutigineqarnissaat politiit piumasaraat, soorlumi aamma arsaarinnissutigineqartussat aamma tassaasut hashi 3.010,04 gram aamma 383 gram skunk. 

Unnerluutiginnittussaatitaasut naapertorlugit aningaasat hashimit  2 kiilut missaanniittumit  tuniniaanermit isertitaasimassangatinneqarput. Tassa politiit naatsorsuinerat naapertorlugu hashi tuniniarneqarsimasoq tuniniarneqartussarlu katillugit 5 kiilut missaanniippoq.   

Allaaserineqartoq aviisimi AG-mi, aqagu pingasunngornermi saqqummertussami, tamakkiisumik atuarneqarsinnaavoq. Aviisi uani pisiarineqarsinnaalereerpoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER