Aaqqissuisut: Sukkaniuttunik isiginnaariarlusi Kangerlussuarmukarniaqinasi
Sukkaniunneq Extreme E tv-kkut inuillu attaveqaqatigiittarfiisigut malinnaaffigisassanngorlugu aaqqissuunneqarsimavoq, sukkaniuteqataasullu tamarmik corona pissutigalugu allanut akulerunnaveersaartillugit immikkoortinneqartussaapput.
Kangerlussuarmi Extreme E Arctic X Prix-ip ingerlanneqarnissaanut sapaatip akunnerinnanngorpoq, tassa biilit qallerup innitortut sukkaniutsinneqartussaapput. Tusagassiortut nunanit tamalaaneersut, biilinik sukkaniuttartut, pisunik ingerlatsisut
aamma aaqqissuussisut sapaatip akunnerata matuma tulliani kallerup inneranik
biilinik sukkaniunneq, Extreme E, ingerlakkiartorlugu Kangerlussuarmukarpata
peqataasut tamarmik, coronabobbelimik taasami, allanut akulerunnaveersaartillugit immikkoortinneqassapput.
Bobbelip coronavirusi siammatsaaliussavaa, tamannalu isumaqarpoq, inuit bobbilip ilaatut ilaasut, najukkami innuttaasunik bobbilip silataaniittunik illup iluani napitaqaqqusaanngitsut..
Coronamut atatillugu killilersuutit pissutigalugit aaqqissuisut arlallit piumasaraat, inuit sukkaniuttunik isiginnaariarlutik Kangerlussuarmukassanngitsut:
Biilit amerlanerpaat attartorneqarsimasut
- Coronap tunillaassuutsinnaveersaarnerani killilersuutit sukangasuut peqqutigalugit,
Visit Greenlandip, Arctic Circle Businnesip aamma Qeqqata Kommuniata
innuttaasut sinerissameersut Kangerlussuarmukaqqunngilaat.
- Extreme E-p Kangerlussuarmi biilit amerlanerpaartaat attartorsimavai, taamaasillutik
Kangerlussuarmut tikittut sukkaniuffimmukarniarneq ajornartorsiutigissavaat,
sukkaniuffissaq talittarfimmiit 30 kimometetrit sinnerlugit ungasitsigisumiippoq aammalu
nunaqarfimmiit/mittarfimmiit 20 kilometerisut ungasissusilimmiilluni, Visit Greenland, Arctic Circle Bussiness Qeqqatalu Kommunia pqatigiillutik tusagassiorfinnut nalunaaruteqarlutik allapput.
- Pisumut taama angitigisumut peqataanerput nuannaarutigaarput, tassani najugallit
innimigalugit eqqarsaatigineqarput, ingammik covidip tuniluutsinnaveersaarnerani,
sapaatip akunnera tulleq pissanganartorujussuussaaq, Jesper Schrøder, Arctic
Circle Businessimeersoq tusagassiorfinnut nalunaaruteqarnermi oqarpoq.
Aaqqissuussani immaqa annersaasoq
Aaqqissuisut erseqqissaassutigaat, sukkaniunneq TV-kkut isiginnaagassanngorlugu aaqqissuunneqarsimasoq, taamaammat sukkaniuffimmi malinnaanissaq ajornakusuussasoq oqaatigineqarpoq.
Greenlandimit nuannaarutigineqarpoq, sukkaniunnerup malitsigisaanik nunarsuarmiut Kalaallit Nunaannuk eqqumaffiginnilersinnaanerat:
- Immaqa Kalaallit Nunaanni pisimasuni annerpaassaaq. Taamatut nittarsaassineq
pisiarineqarsinnaanngilaq. Taamaattumik pisup uuma iluatsilluarnissaa tamanik
aalajangiisuussaaq, Kalaallit Nunaatalu pitsaanerpaamik tunniussinnaasai
takutillugit, Visit Greenlandimi pisortaq Hjörtur Smárason oqapoq.
Sukkaniunneq aggustip 28-ani 29-anilu ingerlanneqassaaq KNR-ikkullu isiginnaarneqarsinnaalluni.