Skip to main content

Aaqqissuisut: Arctic Winter Gamesip aningaasartuutissai sipporneqanngillat

Ulluinnarni aqutsisoqatigiit aningaasartuutit naatsorsorpaat. Tupaallannartunik immikkut aningaasartuuteqartoqassanngilaq

Nuummi Arctic Winter Games aaqqissuussatut nuanninngitsunik saniatigut aningaasartuutitalittut eqqaamaneqassanngilaq.

Unammiuaarnerit naammassineqarnerannit sapaatip-akunneri pingasut qaangiuttullu, ulluinnarni aqutsisoqatigiit naatsorsuipput: Aningaasartuutissat sipporneqanngillat, pisortaq Maliina Abelsen aamma aqutsisooqatigiit siulittaasuat Christian Keldsen tusagassiuutinut nalunaarummi ilisimatitsipput.

Nakkutigineqartut
- Ukiut pingasut matuma siornali suliariniagaq aallartinneqarmat, aningaasartuutissatut missingersuutit kiisalu piginnittutut piginnaatitaaffillit, Namminersorlutik Oqartussat kiisalu Kommuneqarfik Sermersooq, sinaakkusiissutaasa sipporneqannginnissaat, aqutsisoqatigiit sukumiisumik nakkutiginikuuaat. General Managerimik toqqaanitsinni ingerlaavartumillu aningaasartuutinik aqutsineq qitiutillugit nakkutigineqarnikuupput, aqutsisoqatigiit siulittaasuat Christian Keldsen uppernarsaavoq.  

67 millionit koruunit
AWG2016imik aaqqissuisut namminneq 67 millionit koruuninik aningaasartuutissaqarnikuuvoq, taakkualu pingajorarterutaat aningaasaliisunit, soorlu suliaqarnikkut, assartuussinikkut, nerisassanut akikillisaanikkut il.il. matussuserneqarlutik.

Arctic Winter Gamesip aningaasaqarneranut akisussaasuisa pisut pillugit paasissutissiisariaqarlutik isumaqarput, tusagassiuutitigut saqqummiunneqartut naapertorlugit, unammiuaarnermut aningaasartuutissat sipporneqarsimasut isumaqalernarmat.

Atuaruk: Arctic Winter Games pillugu AG-p allaaserisaa eqqunnginnerarpaa

Qanittukkut AG-mi atuarneqarsinnaavoq, Kommuneqarfik Sermersooq unammiuaarnernut tunngatillugu immikkut sippuillutik akiligassaqartoq. Tamannali eqqunngilaq.

Missingersuutiniittut
Kommunip sanaartornermut aningaasartuutissai politikkikkut aalajangikkat Arctic Winter Gamesip ingerlannissaanut aningaasartuutissatut naatsorsuutinut akulerullugit taputartuutsinneqassanngillat.

Kommunip sanaartornissamut aningaasartuutissaatut missingersuutai ukiut arlallit ingerlaneranni atuarfiit timersortarfiillu ataavartumik pitsanngorsaaffigineqarnissaannut aningaasaliissutaapput, tassanngaannarlu aningaasartuutissanngoratik.  

AWG2016-ip ingerlannissaanut aningaasartuutissatut missingersuutit AWG2016-ip ingerlanneqarnissaanuinnaq aningaasartuutissaapput, taakkualu Namminersorlutik Oqartussat, Kommuneqarfik Sermersuup kiisalu Aningaasaliissuteqartut tamarmik pingasorarterummik matussuserlugit. 

Nunatsinniiginnartut
Aaqqissuisut aamma erseqqissassallugu pingaartippaat, AWG2016-imut aningaasaliissutaasut amerlanersaat Nunatsinni aningaasanut kaaviiaartitanut kingumut akuliunneqarmata: Akunnittarfinnut, sutorniartarfinnut, atugassanik pisiniarfinnut kiisalu suliffeqarfinnut AWG2016-imut sullisseqataasunut.

- Minnerpaamik aningaasartuutit 90 procentiisa missaat maani Nunatsinni niuerutigineqarsimassasut, taakkualu saniatigut tikeraat 2000-it missaanniittut, Christian Keldsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER