Aaqqiissutissaq pitsaanerusoq pilersinneqaratarsinnaasoq: Danmarkimi atugassarititaasut pitsaanerusut

Danmarkimi tyskit innuttaasut ikinnerussuteqartut 18.000-iupput, taakkualu namminerisaminnik meeqqeriveqarlutillu atuarfeqarput. Nunarput tamatuma assinganik immaqa piumasaqarnialerpoq. Nalornissutaasulli pingaarutillit aaqqiivigineqaqqaassapput.

Kalaallit Danmarkimi inuiattut ikinnerussuteqartutut akuerisaalernermikkut kalaallit iluaqutissaqarnersut ajoqutissaqarnersulluunniit misissorneqartussanngorpoq.

AG-p februaarimi oqaluttuaraa, Danmarkimi kalaallit Sønderjyllandimi tyskinit ikinnerussuteqartunit, »inuiattut ikinnerussuteqartut illersorneqarnissaat« pillugu isumaqatigiissummit atuutsitsivigieqartunit, allaanerusunik atugassaqartitaasut. Kalaallit tamatumunnga assingusumik inissisimaffeqanngillat.

Maanna suliami pisoqalersoq, aviisi AG allappoq.

Siumumeersoq Kuno Fencker upernaakkut ataatsimiinnermut oqaluuserisassanngortitsisimavoq Danmarkimi kalaallit nunat tamalaat akornanni inatsit naapertorlugu ikinnerussuteqartutut akuerineqarnissaat pillugu Danmarkip kaammattorneqarnissaanik Naalakkersuisut peqquneqassutigisassaannik.

- Inersuarmi maani najuuttut soqutigisaanniittariaqarpoq misileraanerup immikkoortuisa aappaata piviusunngoqqinnginnissaa. Taamaattumik Naalakkersuisut qinnuigaakka naalagaaffimmi oqartussat attaveqarfigissagaat, Danskit Nunaanni Inuit maannamit annertunerusumik innarlerneqannginnerini. Maanna iliuuseqanngikkutta uagut meeqqanut taakkununnga utoqqatsertussaassaagut. Uuminnga siunnersuummik aallaaveqarluta iliuuseqassaagut, ilisimalikkanik peqaratta aammalu kalaallit ikinnerussuteqartut Danskit Nunaanniittut ikiorniarnerisigut akisussaaffimmik tiguserusulluta, Kuno Fencker oqarpoq.

Tysklandii Flensborgimi Europa-Universitetimi inatsisilerinermi professori, Tove H. Malloy, tyskit ikinnerussuteqartut Danmarkimi sunik iluaqutissaqarnerannik AG-mut nassuiaateqarpoq. Tassunga ilaallutik namminerisamik meeqqerivinnut, atuarfinnut ilinniarnertuunngorniarfimmullu tapiissutinik pissarsisarnissaq.

- Taakkua kulturikkut sullissivii aviisiallu tapiissutinik pissarsisarput, isumaginninnikkullu kattuffiit, pissakinnerusunut utoqqarnullu ikiuiniartartut, annikinnerusumik tapiiffigineqartarlutik, nassuiaavoq nangillunilu:

Aviisimi AG-mi atuarnerusinnaavutit. Aviisi uani pissarsiariuk:

Powered by Labrador CMS