Skip to main content

Aappaagu arpatsitsineq annertuujussaaq

Taama eqqoriaavoq Jens K. Berthelsen, ukiut qulingiluat matuma siorna sakkortuumik arpatsitsinermik pilersitsisoq: Nuukkap Extreme Running Race, ITRA-p - International Trail Running Associationip – nunat tamalaat akornanni nunaannakkut arpatsitsinernut nunarsuaq tamakkerlugu qaammatisiutaani ilaatinneqartoq.

2020-mi nunat tamalaat akornanni arpattartut arlallit peqataaniarlutik nalunaarsimapput imaluunniit peqataaniarlutik nalunaarnissaminnik pilersaaruteqarlutik, kisianni coronamik pissutsit, ingerlatanut taama ittunut peqataanissamik unitsitsisut, pissutigalugit uniinnartariaqarsimallutik. Ukioq mannalu killilersuinerit pissutigalugit Kalaallit Nunaannut angalanissat pilersaarusiornissat ajornarluinnarsimavoq.

– Kisianni arpannermut tassunga nunarsuarmi soqutiginninnerujussuarmik misigisaqarpugut, Jens K. Berthelsen ukioq manna Nuukkap Extreme Running Race ingerlanneqareermat oqarpoq.

Aviisi Sermitsiaq taama allappoq.

Avataaninngaanniit tikittoqanngikkaluartoq ukioq manna arpatsitsineq aatsaat taama peqataaffigineqartigaaq, 138-t peqataaniarlutik nalunaarsimallutik 52-illu arpannermik naammassinninngitsoorsimaallutik, tamannalu arpatsitsinerup ajornaatsuinnaannginneranut aamma ersiutaavoq.

– Peqataaniarluni nalunaartarnerit unitsittariaqarsimavavut utaqqisunullu allattorsimaffiliorsimalluta, Jens K. Berthelsen, arpatsitsinersuarmik, nunakkut aqqutigiuminaatsukkut ingerlaarnermi isumannaallisaanissaq pissutigalugu piareersaatinik angisuunik ikiorterpassuarnillu pisariaqartitsiviusumik, ingerlatsisuusoq nassuiaavoq.

– Arpatsitsinerup peqataasunut tamanut sapinngisamik isumannaannerpaamik ingerlanneqarsinnaanissaanik sulissutiginnittut 45-t missaanniippugut, Jens K. Berthelsen oqaluttuarpoq.

Aviisimi Sermitsiami allaaserisaq tamakkerlugu atuarsinnaavat. Aviisi uani pissarsiariuk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER