aatsitassat
Aappaagu aatsitassanut aningaasaateqarfimmut siullermeerluni akiliisoqassaaq
Nunatta karsia aatsaat siullermeerluni aatsitassani taama isertitaqartigimmat, aatsitassarsiornermi aningaasaateqarfimmut akiliuteqartoqassaaq
Januaarip aallaqqaataani 2019-imi aatsitassanut aningaasaateqarfimmut siullermeerluni ikisisoqassaaq. Tassami maanna ukiuni marlunni nunap karsianut isertitat naammassimapput, taamaalilluni aningaasaateqarfimmut akiliuteqartoqassaaq.
Kinguaassagut aatsitassanit isertitanit, nunamit ataasiaannarlutik qaqinneqarsinnaasunik iluaqutserneqarnissaat aningaasaateqarfiup siunertaraa.
Nunap karsia ukiuni marlunni atatiinnarlugu aatsitassanit 10 millionit koruunit sinnerlugit isertitaqarsimappat, akiliuteqartarnerit aallartissasut aatsitassanut inatsimmi naqissuserneqarpoq. Aatsitassanut naalakkersuisup Mûte Bourup Egedep (IA) 2015-imi aamma 2016-imi taamaattoqarsimasoq ilisimatitsivoq, taamaammallu aningaasaateqarfik pilersinneqassaaq.
Naatsorsuutit naammassisarneqarlutillu akuerineqassapput, tamannalu systemimi kinguaattoornermik kinguneqarpoq.