Aanaap qalipagaanik ujaasineq
Amerikamiup Douglas Nicolaisenip ukiut 16-it ingerlaneranni aanami Arla Nicolaisenipqalipagai ujarsimavai. Qalipagaanik titartagaanilluunniit erlinnartunik puigukkanik suliKalaallit Nunaanniittoqarnissaa neriuutigaa.
- Suliaanik nutaanik nassaarnerit tamarmik juullimilluunniit nuannernerupput, Douglas Nicolaisen oqarpoq. Taanna aanaami qalipagaanik ilisimaneqanngitsunik 2005-imili ujaasilersimavoq.
Arla Nicolaisen Danmarkimi Koldingimi 1901-imi inunngorpoq Arla Knudsenimik
kuissuteqarluni. Mikisuusoq angajoqqaavi USA-mut nuussimapput. Arlali
nammineq ukiuni arlalinni niuertorutsip V.B.K. Nicolaisenip nuliatut Kalaallit Nunaanniissimavoq.
Ilaqutariit Nicolaisenikkut Arlap qalipagai 80-it missaanniittut pigaat. Qalipagaalu
tassaasarput sumiiffiit Arlap inuunermini najugaqarfigisimasai, USA, Danmarki,
Tysklandi Kalaallillu Nunaat.
Douglas Nicolaisenip misissuinermini paasisimavaa, Arla Sisimiuni Kangaatsiamilu oqaluffinni alterimi nivingasunik Jesusip makinneranik assilissanik qalipaasuusimassasoq. Assit Københavnimi Østerbromi St. Jakobs Kirkemit qalipaasup Carl Blochip alterimi assiliartaliaanit assilisaapput ilimanarporlu Arlamut imissutaasimassasut. Qallunaaq oqaluttuarisaanermik ilinniarsimasup Thorkild Kjærgaardip Douglasimut tamanna ilisimatitsissutigisimavaa.
Arnanut ujaaseqataasimasoq
Allaaserisap allannerani erlinnartunik ujaasinermut tiguartippunga, taamaattumik Arlap aqqa Arktisk Institutip toqqorsivianut ujarpara – erngerlutillu assilissat pingasut assingi
saqqummerput, taakkulu Douglasip ilisimanngilai..
Paasineqarpoq assilissat Andreas Lund Drosvadip Sukotut ilisimaneqarnerusup
Kangaatsiamilu inuussutissarsiornermik aqutsisup pigigai, Arla aamma tassani
najugaqarsimalluni, taamaalillunilu aamma ilisarisimasimassallugu.
Inuit kiinaannik qalipakkat marluk aappaat ilisimaneqanngilaq, tassalu kalaaleq arnaq
inuusuttoq, aapparaalu Kangersuatsiami pinerrarinnerpaap Gaba Thorleifsenip assinga.
DAssilissat pingajuat immaqa pissanganarnerpaavoq, assiliaavormi Arlap piffissarujussuarmik atuiffigisimasaa. Kangersuatsiami niuertarfiuvoq ulapaarfiusoq inuppassuarnik ulikkaartoq mamartunut nerrivimmiittunut qanillerusuttunik. Assilissap tunuani assammik allatamit paasinarpoq juullilernerani naneruutaannarmik qaammaqquteqarluni niuffannermeersoq. Arla nerriviup tunuaniissimassaaq qalipagassamut iigarfilisarluni pisunik tiguartissimaqaluni, assiliaq qimerloorlugu asseq malugineqarsinnaalluni tikkalu naamasuusillugu.
Ajoraluartumilli ullumikkut assilissat pingasut sumiinnersut ilisimaneqanngilaq.
Arla Nicolaisenip qalipagaanik ilisimasaqarnerugussi tusagassiortumut Martine Lind Krebs [martine@sermitsiaq.gl] aqqutigalugu allassinnaavusi.