Aallartoorfigitittoqarsimasoq: Inuk ataaseq niumigut aallartoorfigitissimasoq
Inuk ataaseq pingasunngormat Tunumi niumigut aallartoorfigitissimavoq. Politiit sumiiffimmut suli apuussimanngillat.
Tunumi Tasiilap avannaata tungaani ungasissupilussuusumi aallartoorfigittoqarsimasoq pillugu politiit pingusunngormat unnukkut qulingiluanut nalunaarfigineqarsimapput. Inuk ataaseq aallartoorfigitissimavaoq pisorlu nammineerluni politiinut nalunaarutigisimallugu.
- Inuk ataaseq niumigut seeqqumigulluunniit eqqorneqarsimavoq, Pineqartup suliarineqarnissaa anguniarlugu illoqarfimmukaanneqarnissaa salliutissimavarput. Usslluinnartumilli putsersimavoq, taamaammat illoqarfiliaanneqarsinnaasimanngilaq, pigaartut pisortaat Malik Olesen Sermitsiaq.AG-mut ilisimatitsivoq.
Politiit taamaammat pineqartup qanoq innera maannakkut oqaluttuarisinnaanngilaat.
- Nalunaarfigineqaratta aallartoorfigitissimasup nammineerluni oqaloqatigisinnaasimavaatigut, pigaartut pisortaat oqaluttuarpoq.
Politiit aamma putsernera, sikoqarnera sumiiffiullu aallartoorfiginniffiusimasup ungasinnera pissutigalugit anngussinnaasimanngillat. Pigaartut pisortaata taamaammat ajutoornermi qanoq pisoqarsimanersoq oqaluttuarisinnaanngilaa.
- Aallartoorfigineqarsimaoq ikiorserniarlugu peqqinnissaqarfik maannakkorpiaq suleqatigaarput, aamma Issittumi Sakkutooqarfik suleqatigalugu aallartoorfiginniffiusimasumut angallataasinnaasut misissorpavut, Malik Olesen oqarpoq.