Skip to main content

Aallartinnissaq ullualunnik sioqqullugu: Ilinniakkat taamaatiinnarneqartut

Ilinniartut aqqaneq-marluk Nuummi Niuernermik Ilinniarfimmi ataasinngorpat aallartittussaagaluarput. Kisianni aallartinnissaq ullunik arfinilinnik sioqqullugu ilinniakkat marluusut piviusunngunngitsoornissaannik nalunaarfigineqarput

Niuernermik Ilinniarfimmi atuaqatigiiaat marluk Aningaasaqarnermi isumalluutinillu aqutsinermi aamma nunat tamalaat akornanni niuernermi nittarsaassinermilu ilinniakkani ataasinngorpat aallartittussaagaluarput.
 
Kisianni marlunngornermi aallartinnissaq ullunik arfiniliinnarnik sioqqullugu ilinnialersussatut akuerisaasimasut ilisimatinneqarput, ilinniagaq piviusunngunngitsoortussanngortoq.

Tallimanngormat aatsaat ilisimatinneqartut

Niuernermik Ilinniarfiup pisortaa Christel Lund Bøjler nassuiaavoq, Niuernermik Ilinniarfik ilinniakkat taakkua marluk ataasinngornermi aallartinnissaat naatsorsuutigalugu ukiuni arlalinni suliaqarsimasoq.
 
- Ilinniakkat taakkua marluk ingerlannissaat pillugu  ilinniartitaanermut naalakkersuisoqarfik novembarimi 2017-imili qanimut suleqatigisimavarput, aamma aningaasaliissutit aningaasanut inatsit aqqutigalugu qulakkeerneqarsimannginnerannik naalakkersuisoqarfimmit ilisimatinneqarsimanngisaannarpugut, Christel Lund Bøjler  Sermitsiaq.AG-mut paasissutissiivoq.
 
Niuernermik Ilinniarfik aningaasaliissutit inissinneqarsimannginnerannik Ilinniartitaanermut Naalakkersuisoqarfimmit aatsaat qanittukkut ilisimatinneqarpoq.
 
- Juulimi aggustimilu ilinniartunik tigooraaneq suliaraarput, kisiannili aatsaat tallimanngormat ilisimatinneqarluta aningaasaliissutit inissinneqarsimannginnerannik. Taamaattumik ilinniakkani aallartittussatut akuerisaasimagaluartunut allagaqarpugut ilinniagassaat aallartittussaajunnaartoq, Niuernermik Ilinniarfiup pisortaa erseqqissaavoq.

Immikkut ittumik ataatsimiittut

Niuernermik Ilinniarfiup siulersuisui Ilinniartitaanermut Naalakkersuisoqarfimmit nalunaarummik tupaallaatiginnipput, taamaattumillu siulersuisut marlunngornermi immikkut ittumik ataatsimiillutik.
 
- Ilinniakkat 2019-imi aallartinnissaat pillugu Ilinniartitaanermut Naalakkersuisoq siulersuisullu novembarimi 2017-imi isumaqatigiissuteqarput, taamaattumillu aningaasaliinissamut tunngasut qulakkeerneqarsimannginnerat uissuumminartuuvoq, siulersuisut siulittaasuat Karsten Lyberth-Klausen oqarpoq nangillunilu:

 - BA-mik ilinniakkat ilinniarsimassutsip qaffassarnissaanik amerlanerusullu ilinnialersinnissaannik politikkikkut anguniakkanik naammassinnipput, taamaattumillu siulersuisut ilinniartitaanermut naalakkersuisumut saaffiginnipput, qanoq pisoqarsimanersoq paasiniarlugu ilinniakkallu sapinngisamik piaarnerpaamik aallartinnissaat qulakkeerniarlugu.
 
Niuernermik Ilinniarfik ilinniaqatigiit marluusunut tamanut immikkut ilinniartunik arfinilinnik tigusisimagaluarpoq.
 

Qatserisarfik qatserisartuni aalajaatsut pillugit nalliuttorsiorpoq
Ukiuni 40-ni kingullerni qatserisartut aalajangersut Nuumminngaanneersut illoqarfiit pingaarnersaanni ikuallattoqalersillugu orniguttarput qamiteriartorlutik, inuunermillu annaassiniariartorlutik....
Peqqinneq Susassaqartitsinerlu pillugit immikkoortortaq Kommuneqarfiup Allaffianut nuuppoq
Peqqinneq Susassaqartitsinerlu pillugit immikkoortortaq Imaneq-mi inissisimajunnaarpoq. Immikkoortortaq matuneqanngilaq, taamaallaalli Kuussuaq 2-mut Kommuneqarfiup Allaffianut nuutinneqarluni.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER