Aallarnisaasutut ingerlatseqatigiiffiit Danmarkimi inerteqqutaasut Kalaallit Nunaanni amerliartorput
Aallarnisaasutut ingerlatseqatigiiffiit (IVS), en-krone-ingerlatseqatigiiffittut taaneqartartut Danmarkimi piffisami sivikittuaqqami atuussimapput. Folketingimimi aalajangiunneqarsimavoq ingerlatseqatigiiffiit taama ittut unitsinneqassasut, Kalaallilli Nunaanni ingerlatseqatigiiffiit taakku amerliartorput
Danmarkimi aallarnisaasut oqilisaaffiginiarlugit, koruunimik ataatsimik akiliuteqarluni IVS-imik pilersitsisinnaaneq 2014-imi atuutsinneqalerpoq. Aaqqissuussaq ukiut tallimat qaangiummata atorunnaarsinneqarpoq, aarlerinartoqarsinnaasoq paasinarsimmat. 2018-imi aaqqissuussaq Kalaallit Nunaanni atuutsinneqalerpoq, ingerlalluarporlumi.
Aviisi Sermitsiaq allappoq.
Tassa aallarnisaasutut ingerlatseqatigiiffiit koruunimik ataatsimik nalillit Danmarkimi maanna inerteqqutaasut Kalaallit Nunaanni sukkasuupilussuarmik amerliartorput. Kalaallit Nunaanni taamaalilluni ingerlatseqatigiiffiit IVS-it 102-t nalunaarsorneqarsimapput, tamarmillu taakku 2018-imi juulip aallaqqaataani periarfissaq atuutsinneqalermat pilersinneqarsimallutik. Matumani ingerlatseqatigiiffiit nutaat imaluunniit piginneqatigiiffiit aktiaatileqatigiiffiilluunniit atuutereersut piginnittuminnit IVS-inngortinneqarsimasut pineqarput, kingullertut pineqartut piginnittuisa piginneqatigiiffiit aktiaatileqatigiiffiilluunniit akiilisinnaajunnaarneranni kinguneqaataasartut assigannik akiliisinnaajunnaassagaluarunik atugaqannginnissartik tassani pissutigisimannguatsiarpaat.
Ingerlatseqatigiiffiit ilarpassui imermik sikumillu piianissamut akuersissummik qinnuteqarsimasut aallarnisaasutut ingerlatseqatigiiffiupput.
Sammisaq aviisimi Sermitsiami paasisaqarfiginerusinnaavat: