Aallarnisaasoq Daniel Skifte toqukkut qimaguppoq

Daniel Skifte Ilulissani aalisakkerivimmik Halibut Greenlandimik pilersitseqataasiamvoq, aalisarnrullu iluani ingerlatseqatigiiffinni arlalinni aamma suleqataasarsimalluni. Sapaatip akunnerani matumani 62-nik ukioqarluni toqukkut qimaguppoq.

Aalisartut piniartullu kattuffiat KNAPk eqqaaniaalluni imatut allappoq:

- Daarngo (Daniel Skifte) toqukkut qimagutiaarpallaarpoq - nunami aalisarnermik kivitseqataasimavoq, inuussutissariummillu allanngueqataasimalluni. Suliaqarsimaneratigu unammilleqatigiittoqalernikuuvoq. Ilulissani najugaqarluni Halibut Greenlandimik pilersitseqataangami qaleralinnut akigititanik qaffaaqataasimasoq.

- Ingerlatseqatigiiffiup pilersinneqarnerani qitiusutut suliaqarsiavoq. Daarngo aalisartut iluanaarutissaannik aningaasanik pissarsisalernerannut tunngaviusut ilagaatsit. Aalisartut suliaqarsimaninnut qujamasuttupilussuupput, KNAPK allappoq.

Daniel Skifte aamma suliffeqarfiup NAFWA-p siulersuisuini ilaasortaanermini, imermik Kalaallit Nunaata avataanut tunisaqartalernissamik suliaqarluarsimavoq.

Tamanna pillugu folketingimi ilaasortaasimasoq aamma siulersuisuni suleqatigisimasaa Niels Ahlmann-Ohlsen eqqaaniaaluni imatut allappoq:

- Daniel Skiftep toqukkut qimagutiaarpallaarnera pillugu nutaarsiassaq siaruaatipallassimavoq, Kalaallillu Nunaanniinnaanngitsoq, aammali Kunngeqarfimmi tamarmi aliasunnermik annertuumik pilersitsisimalluni. Daniel Skifte siumut takorluuisinnaassuseqarlunilu anguniagaqartartuuvoq. Ilauttaminut tunngatillugit aamma kalaallit soqutigisaannut tunngassutilinnik sutigut tamatigut suliaqartarpoq, inuussutissarsiortullu siumut isigisinnaassuseqartut ilagisimavaat, taakku ukiut arfineq-pingasut matuma siorna NAFWA-mik s.m.b.a. (North Atlantic Fresh Water Alliance) pilersitsinissamik aalajangersimapput, toqussanilu tikillugu siulersuisuni ilaasortaasimalluni.